ខ្សែបម្រើវ័យ២៩ឆ្នាំរបស់ជម្រើសជាតិដាណឺម៉ាក បានដួលសន្លប់ស្ដូកស្ដឹងក្នុងទីលានអំឡុងការប្រកួតទល់ក្រុមជម្រើសជាតិហ្វាំឡង់ក្នុងការប្រកួតពានរង្វាន់ Euro 2020 កាលពីខែមិថុនាឆ្នាំ ២០២១។
 

Eriksen ត្រូវបានក្លិប Inter Milan បញ្ចប់កិច្ចសន្យាកាលពីខែធ្នូដោយសារតែកីឡាករវ័យ២៩ឆ្នាំបានដាក់ឧបករណ៍ជំនួយបេះដូងក្រោយពេលព្យាបាលរួច ហើយមិនត្រូវបានអនុញ្ញាតដោយក្របខណ្ឌ Serie A។ Eriksen ក៏មានពាក្យចចាមអារ៉ាមថានឹងអាចចូលរួមជាមួយក្លិប Brentford នៅ Premier league។
 

«ខ្ញុំសប្បាយចិត្តខ្លាំងណាស់នៅទីនេះ ( AFC Ajax ) ខ្ញុំមានអារម្មណ៍ថាដូចត្រលប់មកផ្ទះម្តងទៀតអ៊ីចឹង ព្រោះខ្ញុំមិនបានមកទីនេះរយៈពេលយូរហើយ។ ទីនេះមានសម្ភារច្រើននិងល្អៗ ខ្ញុំអាចហ្វឹកហាត់ស្ថិតនៅគម្រិតមួយដែលខ្ពស់ដូចកាលមុនបាននៅក្លិប Ajax។» Eriksen និយាយប្រាប់គេហទំព័រក្លិប Ajax បែបនេះ។
 

មិនត្រឹមតែប៉ុណ្ណោះ Erikson ក៏រំពឹងនឹងអាចត្រលប់ទៅកាន់ភាពខ្លាំងក្លាដូចពីមុនវិញឱ្យបានឆាប់រហ័សដើម្បីស្វែករកក្លិបថ្មីសម្រាប់បន្តអាជីព។
 

អតីតកីឡាកររបស់ក្លិប Tottenham Hotspurs រូបនេះទទួលបានភ្លើងខៀវពីសំណាក់វេជ្ជបណ្ឌិតកាលពីខែធ្នូកន្លងទៅសម្រាប់បន្តអាជីពបាល់ទាត់៕