កីឡាអន្តរជាតិ
អន្តរជាតិ
អត្តពលិកតៃវ៉ាន់ នឹងចូលរួមពិធីបើក និងបិទអូឡាំពិកទីក្រុងប៉េកាំង ក្រោយការស្នើសុំពី IOC
× អត្តពលិកតៃវ៉ាន់ នឹងចូលរួមកម្មវិធីបើក និងបិទព្រឹត្តិការណ៍កីឡាអូឡាំពិករដូវរងាទីក្រុងប៉េកាំង តាមការស្នើសុំរបស់គណៈកម្មាធិការអូឡាំពិកអន្តរជាតិ (IOC)។ IOC បានស្នើឱ្យក្រុមទាំអស់ ដែលមកប្រកួតចូលរួមកម្មវិធីបើក និងបិទ ព្រឹត្តិការណ៍នេះ។
កាលពីថ្ងៃទី២៨ ខែមករា តៃវ៉ាន់បានប្រកាសមិនចូលរួមកម្មវិធីបើក និងបិទប្រកួតអូឡាំពិករដូវរងាក្រុងប៉េកាំង ក្រោមហេតុផលការពន្យារពេលហោះហើរ និងច្បាប់ប្រឆាំងកូវីដ-១៩ ដ៏តឹងរុឹងរបស់ចិន។ លើសពីនោះ បើតាមទីភ្នាក់ងារព័ត៌មាន Reuters ដែលស្រង់សម្ដីមន្ត្រីតៃវ៉ាន់ ចិនទាមទារឱ្យអត្តពលិកដើរដង្ហែជាមួយក្រុមហុងកុង ក្នុងពិធីបើកទៀតផង។
ទោះជាយ៉ាងណា ក្រោយការទាមទាររបស់ IOC តៃវ៉ាន់ ដែលនឹងប្រើឈ្មោះឆាយនីសតៃប៉ិ ក៏សម្រេចចូលរួមពិធីបើក និងបិទព្រឹត្តិការណ៍។ «IOC បានស្នើសុំឱ្យប្រតិភូទាំងអស់ ដែលមកប្រកួតអូឡាំពិករដូវរងាទីក្រុងប៉េកាំង ត្រូវតែចូលរួមដើរក្នុងកម្មវិធីបើក និងបិទកម្មវិធីប្រកួត»។ គណៈកម្មាធិការអូឡាំពិកតៃវ៉ាន់និយាយបែបនេះ នាថ្ងៃទី៣១ ខែមករា។
ក្រោយទទួលបានការស្នើសុំ គណៈកម្មាធិកាអូឡាំពិកតៃវ៉ាន់ បានជួបពិភាក្សាជាមួយរដ្ឋមន្រ្តីកីឡាតៃវ៉ាន់ លើអនុញ្ញាតឱ្យអត្តពលិកចូលរួមកម្មវិធីបើក និងបិទ។
គណៈកម្មាធិការអូឡាំពិកតៃវ៉ាន់ក៏បានអះអាង ការសម្រេចចិត្តបញ្ជូនអត្តពលិក ទៅកម្មវិធីបើក និងបិទ ជាការគោរព ទៅកាន់គណៈកម្មាធិកា IOC ដែលបានស្នើសុំជារឿយៗ។
តៃវ៉ាន់ នឹងបញ្ជូនអត្តពលិក៤នាក់ ទៅកាន់ទីក្រុងប៉េកាំង ដូចកាលពីប្រកួតព្រឹត្តិការណ៍អូឡាំពិកទីក្រុង PyeongChang ឆ្នាំ២០១៨ ។ តៃវ៉ាន់ មិនដែលឈ្នះមេដាយឡើយ៕
Tag:
Winter Olympic Beijing 2022
Taiwan
© រក្សាសិទ្ធិដោយ thmeythmey.com