អត្តពលិកចិន Peng Shuai បានបង្កការភ្ញាក់ផ្អើលបន្ទាប់ពីទម្លាយរឿងការបំពានផ្លូវភេទដោយមន្រ្តីជាន់ខ្ពស់ចិនកាលពីខែវិច្ឆិកា ឆ្នាំ២០២១។ ប៉ុន្តែនាងបានបដិសេធម្ដងហើយម្ដងទៀតថា មិនបានចោទនរណាម្នាក់ទៅវិញ។
 

នៅក្នុងកិច្ចសម្ភាសជាមួយកាសែតបារាំង L’Equipe នៅសណ្ឋាគាមួយក្នុងទីក្រុងប៉េកាំង Peng Shuai អះអាងជាថ្មីថា នាងមិនដែលចោទប្រកាន់នរណាម្នាក់ពីការបំពានផ្លូវភេទលើខ្លួននាងឡើយ។
 

កីឡាការិនីចិនរូបនេះ ក៏បានជួបជាមួយប្រធានគណៈកម្មាធិការអូឡាំពិកអន្តរជាតិ Thomas Bach ច្រើនដែរ។ ជំនួបចុងក្រោយរវាង Peng Shuai ជាមួយលោក Thomas Bach ប្រធាន IOC បានធ្វើឡើងកាលពីថ្ងៃទី៥ខែកុម្ភៈនៅក្នុងទីតាំងកន្លែងស្នាក់នៅរបស់អត្តពលិកអូឡាំពិកទាំងអស់៕