កីឡាការិនីចិនរូបនេះ បានទស្សនាការប្រកួតរបស់កីឡាការិនីជិះស្គីចិន Eileen Gu ដែលបានឈ្នះមេដាយមាសវិញ្ញាសា Free Ski Big Air ទោលផ្នែកស្ត្រីថ្ងៃទី៨ ខែកុម្ភៈ។
 

Peng Shuai ត្រូវបានគេឃើញអង្គុយក្នុងកីឡដ្ឋាននាទីក្រុងប៉េកាំងក្នុងសម្លៀកបំពាក់អាវរងាពណ៌ខ្មៅដែលមានភ្ជាប់ជាមួយទង់ជាតិចិន ហើយបានពាក់មួកពណ៌ខ្មៅដែលមានសញ្ញាកងអូឡាំពិក។
 

ប្រធានគណៈកម្មាធិការអូឡាំពិកអន្តរជាតិ Thomas Bach ប្រាប់ទៅទីភ្នាក់ងារ Reuters ថា លោកបានជួបហើយជជែកគ្នាជាមួយកីឡាការិនី Peng Shuai នៅពេលដែលនាងបានអង្គុយនៅក្នុងកីឡដ្ឋានប្រកួតជិះស្គីក្បាច់សេរី។
 

«នាង (Peng Shuai) ក៏ដូចជាអត្តពលិកដទៃទៀតអ៊ីចឹង ហើយខ្ញុំក៏មានឱកាសជួបជាមួយអត្តពលិកដែលមកពីប្រទេសស្វីស អាល្លឺម៉ង់ និងអាម៉េរិកផងដែរ។»លោក Bach បានបន្ថែមបែបនេះ។
 

និយាយប្រាប់ទៅកាន់កាសែតបារាំង L’Equipe ថ្ងៃទី៧ ខែកុម្ភៈ កីឡាការិនីវ័យ៣៥ឆ្នាំ បានបដិសេធជាថ្មីម្តងទៀតថា មិនបានចោទប្រកាន់នរណាម្នាក់ពីការបំពានផ្លូវភេទលើនាងឡើយ។