លោក អ៊ិត សំអេង ចាត់ទុក ចំនួនស្រ្តីប្រមាណ៦១ភាគរយ ដែលកាន់កាប់អាជីវកម្មនេះ ថាជាអត្រាខ្ពស់មួយសម្រាប់កម្ពុជា។ លោក លើកឡើងថា ការរីករាលដាលជំងឺកូវីដ-១៩ បានបង្កផលប៉ះពាល់អវិជ្ជមានលើស្រ្តីច្រើនជាងបុរស ទាំងក្នុងវិស័យសេដ្ឋកិច្ច និងសង្គម។ លោក បន្តថា ក្នុងបរិបទនេះ រដ្ឋាភិបាលកម្ពុជា បានដាក់ចេញវិធានការនានា ដើម្បីផ្តល់អត្ថប្រយោជន៍ដល់ស្រ្តី និងក្រុមជនងាយរងគ្រោះ ដោយក្នុងនោះ បានជួយលើកកម្ពស់អាជីវកម្មសហគ្រាសធុនតូច និងមធ្យមរបស់ពួកគេផងដែរ។ 
 

គេហទំព័ររបស់ក្រសួងការងារ បានស្រង់ប្រសាសន៍របស់លោករដ្ឋមន្រ្តី ទៅសរសេរដូច្នេះថា៖«ការរីករាលដាលជំងឺកូវីដ-១៩ បានក្លាយជាឱកាសមួយសម្រាប់ការផ្តោតលើការអនុវត្តកម្មវិធីគាំពារសង្គមទាំងឡាយ ដែលជាទ្រនាប់សំណាញ់សុវត្ថិភាព និងដើម្បីកសាងមូលដ្ឋានសង្គម-សេដ្ឋកិច្ចមួយដែលរឹងមាំនាពេលអនាគត»៕