អត្ថបទពាណិជ្ជកម្ម
ECAM LaSalle ស្ថិតនៅជួរមុខនៃការប្តេជ្ញាលើបរិស្ថាន សង្គម និងអភិបាលកិច្ច (ESG) ជាមួយការអភិវឌ្ឍប្រកបដោយនិរន្តរភាព និងការទទួលស្គាល់ចំពោះទំនួលខុសត្រូវសង្គមរបស់គ្រឹះស្ថានអប់រំជាន់ខ្ពស់
×![]()
ដោយ: សារព័ត៌មានថ្មីៗ
ភ្នំពេញ ថ្ងៃទី៣ ខែមីនា ឆ្នាំ២០២២៖ សាលា ECAM LaSalle ដែលទើបនឹងបង្កើតថ្នាក់អនុបណ្ឌិតសញ្ញាបត្រពីរក្នុងពេលតែមួយ «ថ្នាក់វិស្វកម្ម ECAM (ECAM Engineering)» ក្នុងប្រទេសកម្ពុជា ជាមួយវិទ្យាស្ថានបច្ចេកវិទ្យាកម្ពុជា មានមោទកភាពប្រកាសនូវការទទួលបានសលាកប័ត្រ DD&RS (ការអភិវឌ្ឍប្រកបដោយនិរន្តរភាព និងទំនួលខុសត្រូវសង្គម) ដែលគេកំពុងស្វះស្វែងចង់បានខ្ពស់បំផុត កាលពីខែធ្នូ ឆ្នាំ២០២១ ក្នុងប្រទេសបារាំង។
បង្កើតឡើងសម្រាប់គ្រឹះស្ថានអប់រំជាន់ខ្ពស់ក្នុងប្រទេសបារាំង សលាកប័ត្រ DD&RS គ្របដណ្តប់លើគោលដៅការអភិវឌ្ឍប្រកបដោយនិរន្តរភាពចំនួន១៧ ដែលត្រូវបានកំណត់ដោយអង្គការសហប្រជាជាតិ រាប់ចាប់ពីយុទ្ធសាស្រ្ត និងអភិបាលកិច្ច ការអប់រំ និងការបណ្តុះបណ្តាល ការស្រាវជ្រាវ និងការបង្កើតថ្មី រហូតដល់បរិស្ថាន និងគោលការណ៍សង្គម។
លោក Didier DESPLANCE នាយកសាលា ECAM LaSalle បានថ្លែងថា៖ «មកទល់បច្ចុប្បន្ន ក្នុងចំណោមគ្រឹះស្ថានអប់រំជាន់ខ្ពស់ចំនួន៣០០កន្លែង ក្នុងប្រទេសបារាំង មានគ្រឹះស្ថានតែ៣០ប៉ុណ្ណោះ ដែលបានជោគជ័យក្នុងការទទួលបានសលាកប័ត្រនេះ។ ការទទួលស្គាល់ជាផ្លូវការមួយនេះ គឺជាសមិទ្ធផលដ៏អស្ចារ្យសម្រាប់សាលា និងក្រុមការងារយើង ប៉ុន្តែអ្វីដែលសំខាន់ជាងនេះទៅទៀត គឺការប្តេជ្ញា និងទំនួលខុសត្រូវ ក្នុងការបំពេញឲ្យបានជារៀងរាល់ថ្ងៃ នូវចក្ខុវិស័យរបស់យើង ក្នុងការក្លាយខ្លួនជាអ្នកចូលរួមយ៉ាងសកម្មមួយ ក្នុងចរន្តផ្លាស់ប្តូរទៅមុខជាលក្ខណៈប្រព័ន្ធអេកូ តាមរយៈការអប់រំវិស្វករជំនាន់ក្រោយជុំវិញពិភពលោក ចំពោះការអភិវឌ្ឍប្រកបដោយនិរន្តរភាព។ ការដាក់បញ្ចេញនូវថ្នាក់អនុបណ្ឌិត «ថ្នាក់វិស្វកម្ម ECAM (ECAM Engineering)» ដំបូងបង្អស់ កាលពីចុងឆ្នាំ២០២១ លើផ្នែកវិស្វកម្ម នៃការផលិតប្រកបដោយនិរន្តរភាពក្នុងប្រទេសកម្ពុជា គឺជាការសម្រេចបាននូវជំហានគោលដៅដ៏សំខាន់មួយ លើវីថីដំណើរមួយនេះ។»
«ការទទួលបានសលាកប័ត្រ DDRS (សញ្ញាបត្រសម្រាប់ការអភិវឌ្ឍប្រកបដោយនិរន្តរភាព) មិនគ្រាន់តែជាគោលដៅមួយ ក្នុងដំណើរការដែលត្រូវបានផ្តួចផ្តើមប៉ុណ្ណោះទេ។ លើសពីនេះទៅទៀត វាជាឧបករណ៍ដ៏សំខាន់មួយ ក្នុងការពង្រឹងជំហានដំណើរការរបស់យើង និងជួយយើងឲ្យឈានទៅរកការរួមបញ្ចូលគោលដៅ ការអភិវឌ្ឍប្រកបដោយនិរន្តរភាព ទៅក្នុងយុទ្ធសាស្រ្ត និងដំណើរការការងាររបស់យើង។ ខ្ញុំមានជំនឿយ៉ាងមុតមាំថា ក្នុងរយៈពេលប៉ុន្មានខែបន្ទាប់ទៀតខាងមុខនេះ យើងនឹងទទួលបានអត្ថប្រយោជន៍ពេញលេញនៃសលាកប័ត្រនេះ ក្នុងដំណើរការការងារពីមួយថ្ងៃ ទៅមួយថ្ងៃរបស់យើង។» នេះបើតាមប្រសាសន៍របស់លោកស្រី Delphine ALAINE ប្រធានគ្រប់គ្រងកម្មវិធី DD/RS និងលោកThomas TOURET គ្រូបង្រៀន និងអ្នកស្រាវជ្រាវ និងជាប្រធានគ្រប់គ្រង DD/RS ផ្នែកនាយកដ្ឋានស្រាវជ្រាវ។
«ការមានអ្នកជំនាញវិជ្ជាជីវៈ ដែលបានទទួលការបណ្តុះបណ្តាលច្បាស់លាស់ ដែលពិតជាជឿជាក់ និងយល់ដឹងអំពីបញ្ហាបរិស្ថាន សង្គម និងអភិបាលកិច្ច (ESG) ពិសេសនិរន្តរភាព គឺមានសារៈសំខាន់បំផុតសម្រាប់ប្រទេសកម្ពុជា និងក្រុមហ៊ុនដែលកំពុងតែដំណើរការ ក្នុងព្រះរាជាណាចក្រកម្ពុជា ដូចជាគ្រឹះស្ថានរបស់យើងនេះ។ ឡឺហ្រ្កង់ ខេមបូឌា (LEGRAND CAMBODIA) គឺជាក្រុមហ៊ុនដៃគូជាមួយសាលាវិស្វកម្ម ECAM ចាប់តាំងពីពេលដែលពួកគាត់ បើកសម្ពោធក្នុងទីក្រុងភ្នំពេញមកម្ល៉េះ។ វិញ្ញាបនបត្រ DD/RS គឺជាការកត់ចំណាំដ៏សំខាន់មួយ ដែលស្តែងបញ្ជាក់យ៉ាងពិតប្រាកដ នូវកម្រិតនៃការប្តេជ្ញារបស់សាលា ចំពោះនិរន្តរភាព។ ការដែលយើងមាននូវគុណតម្លៃ និងការប្តេជ្ញាដូចគ្នា ចំពោះអនាគតដែលមានបរិស្ថានកាន់តែស្រស់បំព្រង គឺជាប្រភពដ៏អស្ចារ្យនៃភាពពេញចិត្តសម្រាប់ពួកយើង។» នេះបើតាមប្រសាសន៍របស់ លោក Kovi VALOO នាយកគ្រប់គ្រងក្រុមហ៊ុនឡឺហ្ក្រង់ប្រចាំព្រះរាជាណាចក្រកម្ពុជា។
ការត្រៀមឲ្យអ្នកជំនាន់ថ្មីជួបជាមួយបញ្ហានិរន្តរភាពឧស្សាហកម្ម៤.០ (Industry 4.0)
កម្មវិធីសិក្សារបស់សាលាវិស្វកម្ម ECAM ត្រូវបានបង្កើតឡើងយ៉ាងពិសេស ដើម្បីលើកឡើងអំពីទីផ្សារកំពុងអភិវឌ្ឍ ដែលប្រឈមជាមួយកំណើនផលិតកម្មឧស្សាហកម្ម ដែលដាច់ខាតត្រូវតែអនុលោម ជាមួយក្រមមាត្រា នៃការអភវិឌ្ឍប្រកបដោយនិរន្តរភាព។ ថ្នាក់អនុបណ្ឌិតនេះ មានគោលដៅបំពេញតម្រូវការរបស់ឧស្សាហកម្ម៤.០ ក្នុងប្រទេសកម្ពុជា និងអាស៊ីអាគ្នេយ៍ ដោយបណ្តុះបណ្តាលនិស្សិត ឲ្យរួមបញ្ចូលបច្ចេកវិទ្យាឌីជីថល ទៅក្នុងដំណើរការគ្រប់គ្រងភស្តុភារកម្ម និងផលិតកម្ម ផ្អែកលើទិសដៅសេដ្ឋកិច្ចវិលជុំ ជាមួយនឹងកម្រិតនៃការប៉ះពាល់ដល់សង្គម និងបរិស្ថានទាបបំផុត។
«ថ្នាក់អនុបណ្ឌិតថ្មីនេះ នឹងឆ្លើយតបទៅនឹងតម្រូវការ សម្រាប់ប្រតិបត្តិករ និងវិស្វករជាន់ខ្ពស់ ដែលអាចដឹកនាំវិស័យផលិតកម្មឆ្ពោះទៅកាន់បដិវត្ដន៍ឧស្សាហកម្មដំណាក់កាលទី៤ (4th Industrial Revolution) ជាមួយនឹងការផ្តោតសំខាន់លើការអភិរក្សធនធាន របស់ព្រះរាជាណាចក្រកម្ពុជា។» នេះបើ តាមប្រសាសន៍របស់លោក Victor VITHY នាយកគ្រប់គ្រងក្រុមហ៊ុន DBD Engineering។
ព័ត៌មានបន្ថែមអំពីសាលាវិស្វកម្ម ECAM
កម្មវិធីសិក្សានេះ គឺជាកម្រិតសញ្ញាបត្រវិស្វកម្មបារាំងដំបូងបង្អស់ក្នុងប្រទេសកម្ពុជា ជាមួយនឹង DNA «គ្រឹះស្ថានអប់រំលំដាប់កំពូលៗ»។ កម្មវិធីនេះ ផ្អែកលើការច្របាច់បញ្ចូលគ្នា នូវជំនាញពីស្ថាប័នអប់រំជាន់ខ្ពស់ចំនួន២ ដែលមានកេរ្តិ៍ឈ្មោះល្បីល្បាញ៖ សាលា ECAM Lasalle និងវិទ្យាស្ថានបច្ចេកវិទ្យាកម្ពុជា (ហៅកាត់ ITC ជាសាកលវិទ្យាល័យវិស្វកម្មដ៏ធំ មួយនៅកម្ពុជា)។
ចាប់ផ្តើមពីខែតុលា ឆ្នាំ២០២១ កម្មវិធីសិក្សារយៈពេល៣ឆ្នាំនេះ នឹងផ្តល់ទាំងសញ្ញាបត្រថ្នាក់អនុបណ្ឌិតវិស្វកម្ម ECAMផង និងសញ្ញាបត្រថ្នាក់អនុបណ្ឌិត ពីវិទ្យាស្ថានបច្ចេកវិទ្យាកម្ពុជា ផងក្នុងពេលតែមួយ សម្រាប់ផ្នែកវិស្វកម្មឧស្សាហកម្ម និងការគ្រប់គ្រងច្រវាក់ផ្គត់ផ្គង់ ផ្នែកវិស្វកម្មរ៉ូបូត និងស្វ័យប្រវត្តិកម្ម។
ជាមួយនឹងការបង្រៀនដោយប្រើភាសាអង់គ្លេសសុទ្ធ និស្សិតខ្មែរ ក៏នឹងមានឱកាសបានរៀនភាសាបារាំង ដើម្បីទទួលបានសញ្ញាបត្រកម្រិត B2 នៅចុងបញ្ចប់នៃកម្មវិធីសិក្សាផងដែរ។ វិទ្យាស្ថានបច្ចេកវិទ្យាកម្ពុជា ក៏នឹងក្លាយជាសាលាទីមួយនៅកម្ពុជា ដែលមានផ្តល់នូវកម្រិតសញ្ញាបត្របារាំងថ្នាក់ជាតិ ដែលនឹងធ្វើឲ្យកាន់តែមានភាពលេចធ្លោ ទាំងសម្រាប់និស្សិតខ្មែរ និងនិស្សិតពីបណ្តាប្រទេសជិតខាង។
កម្មវិធីនេះ បានទទួលក្រុមនិស្សិតអន្តរជាតិចំនួន១៦នាក់ សម្រាប់ឆ្នាំទី១ (១២នាក់ពីកម្ពុជា ៣នាក់ពីបារាំង និងម្នាក់ពីប្រទេសអេហ្ស៊ីប) ហើយនឹងទទួលសិស្ស៤០នាក់ទៀត នៅឆ្នាំបន្ទាប់។
ដើម្បីដឹងបន្ថែមអំពីកម្មវិធីសិក្សា និងការចុះឈ្មោះ៖ https://phnompenh.ecamengineering.com/
អំពីសាលា ECAM LaSalle
បង្កើតឡើងដំបូងបង្អស់ក្នុងឆ្នាំ១៩០០ សាលា ECAM LaSalle ត្រូវបានទទួលស្គាល់ជាសាកលវិទ្យាល័យវិស្វកម្មលំដាប់កំពូលមួយ ក្នុងប្រទេសបារាំង (ជាប់ចំណាត់ថ្នាក់ជាសាលាវិស្វកម្មឯកជនលំដាប់កំពូលទី២ ក្នុងឆ្នាំ២០២០ ដោយទស្សនាវដ្តីបារាំងឈ្មោះ L’Etudiant)។ សាលានេះ គឺជាផ្នែកមួយនៃកម្មវិធីសិក្សា Grandes Ecoles។
កម្មវិធីសិក្សារបស់សាលានេះ ផ្តល់ឱកាសឲ្យបេក្ខភាពបញ្ចប់ការសិក្សា ក្នុងរយៈពេល៥ឆ្នាំ ជាមួយនឹងសញ្ញាបត្រពីរ ក្នុងពេលតែមួយ៖ សញ្ញាបត្រវិស្វកម្មអគ្គីសនី និងមេកានិក និងសញ្ញាបត្រថ្នាក់អនុបណ្ឌិតផ្នែកវិទ្យាសាស្រ្ត ពីសាកលវិទ្យាល័យដៃគូ ក្នុងមុខវិជ្ជាជំនាញដែលសិស្សជ្រើសរើស។ សិស្សដែលបានចុះឈ្មោះសិក្សា ទទួលបានអត្ថប្រយោជន៍ពីក្រុមនៃសាស្រ្តាចារ្យ និងអ្នកស្រាវជ្រាវ ដែលរួមមានទាំងវិទ្យាសាស្រ្តវិស្វកម្មទាំងអស់ បន្ទប់ពិសោធន៍ស្រាវជ្រាវចម្រុះ ជាមែកធាងមួយ ដែលផ្តល់នូវមុខជំនាញនានា និងបន្តការអប់រំសម្រាប់ក្រុមហ៊ុន ក៏ដូចជាអ្នកដែលផ្តោតលើអាជីវកម្មបង្កើតថ្មី (start-up)ដែលមានសក្តានុពលភាពបច្ចេកវិទ្យាខ្លាំងក្លា។
ចំនួនអតីតសិស្ស ៧៥០០នាក់
ចំនួនសិស្សបច្ចុប្បន្ន ១៩០០នាក់
ព័ត៌មានបន្ថែមអំពីសាលា ECAM LaSalle៖ https://www.ecam.fr
អំពីសលាកប័ត្រ DD/RS
ប្រព័ន្ធនៃការផ្តល់ជូនសលាកប័ត្រ ហៅថា Label DD/RS (សម្រាយមកថា ការអភិវឌ្ឍប្រកបដោយនិរន្តរភាព និងទំនួលខុសត្រូវសង្គម) សម្រាប់គ្រឹះស្ថានអប់រំជាន់ខ្ពស់ ត្រូវបានបង្កើតឡើងក្នុងឆ្នាំ២០១៥ នៅប្រទេសបារាំង។ វាជាលទ្ធផលបានមកពីកិច្ចខិតខំប្រឹងប្រែងរួមគ្នារបស់សាកលវិទ្យាល័យជាច្រើន និងសាលាលំដាប់កំពូលៗ (Grandes Ecoles, Conférence des Grandes Schools - CGE) កិច្ចប្រជុំសាកលវិទ្យាធិការសាកលវិទ្យាល័យ (Conference of University Presidents - CPU) និងក្រសួងផ្នែកការអភិវឌ្ឍប្រកបដោយនិរន្តរភាព ក្រសួងផ្នែកថ្នាក់អប់រំជាន់ខ្ពស់ និងបណ្តាញនិស្សិតដើម្បីសង្គមរួបរួមគ្នា និងជាលក្ខណៈប្រព័ន្ធអេកូ (Network of Students for an Ecological and United Society - RESES)។
សលាកប័ត្រនេះជំរុញឲ្យមានភាពទៅមុខនៃការផ្សព្វផ្សាយ លើកកម្ពស់ទាំងថ្នាក់ជាតិ និងអន្តរជាតិនូវទិសដៅការអភិវឌ្ឍប្រកបដោយនិរន្តរភាព និងទំនួលខុសត្រូវសង្គម របស់គ្រឹះស្ថានស្រាវជ្រាវ និងអប់រំជាន់ខ្ពស់របស់ប្រទេសបារាំង។ វាក៏អនុញ្ញាតឲ្យគ្រឹះស្ថាននានា អាចបង្កើតជំនាញផ្សេងៗ នៅក្នុងក្រុមគ្រឹះស្ថាន ដែលមានការប្តេជ្ញាច្បាស់លាស់ តាមរយៈការចូលរួមរបស់ពួកគេ ក្នុងគណៈកម្មាធិការផ្តល់សលាកប័ត្រ និងក្នុងការធ្វើវិសោធនកម្មលើគ្រឹះស្ថានដែលជាបេក្ខភាព។
សលាកប័ត្រ DD/RS គឺផ្អែកលើប្រព័ន្ធយោងថ្នាក់ជាតិទូទៅមួយ ដែលមានវត្តមានតាំងពីឆ្នាំ២០០៩ ផ្អែកតាមមាត្រាទី៥៥ ពីច្បាប់ Grenelle 1 ស្តីអំពីបរិស្ថាន ដែលជាប្រព័ន្ធយោង DD/RS CPU CGE។
វាជាសលាកប័ត្រ ដែលចង់ក្លាយជាលក្ខណៈប្រព័ន្ធ។
ទំនាក់ទំនង
កញ្ញា ហាង សុភាព | រដ្ឋបាល និងជំនួយការផ្នែកសិក្សាធិការ
កម្មវិធីសិក្សាសាលាវិស្វកម្ម ECAM នៅសាកលវិទ្យាល័យបច្ចេកវិទ្យាកម្ពុជា
phnompenh.ecamengineering.com
+855 (0) 92 282 741៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com
«មជ្ឈការ»មានន័យខុសពី«វិមជ្ឈការ»ដូចម្តេច?
1 សប្តាហ៍
