លោក Pochettino បានស្តីបន្ទោសទៅកាន់ការសម្រេចចិត្តរបស់អាជ្ញាកណ្តាលវីដេអូដែលមិនព្រមពិន័យគ្រាប់បាល់ដំបូងរបស់ Real Madrid ដែលបង្កកំហុសលើអ្នកចាំទី Gianluigi Donnarumma។ គ្រូបង្វឹកវ័យ ៥០ ក៏បាននិយាយថា ១គ្រាប់របស់ Real Madrid ដែលជាការបង្កកំហុសបែបនេះបានផ្លាស់ប្តូរការប្រកួតទាំងមូល។
 

«ពិតជាគួរឱ្យខ្មាស់ខ្លាំងណាស់។ គ្រាប់ទីមួយពួកគេបានបង្កកំហុសលើអ្នកចាំទី Donnarumma ហើយកំហុសដដែលៗបែបនេះពីសំណាក់អាជ្ញាកណ្តាលបែបនេះ។ វាពិតជាមិនគួរកើតមានក្នុងឆ្នាំ ២០២២ នេះឡើយ។ ១គ្រាប់របស់ Real បានផ្លាស់ប្តូរការប្រកួតទាំងស្រុង។ ខ្ញុំមិនដឹងថា ​VAR ធ្វើដើម្បីអ្វីនោះទេបើវាជាកំហុសទៅហើយ ពួកគេក៏នៅតែផ្តល់គ្រាប់។ »លោក Pochettino ប្រាប់ទៅកាន់ព័ត៌មាន Canal+ បែបនេះ។
 

ក្រោយចាញ់ដោយលទ្ធផលដ៏ខកចិត្តបែបនេះ តំណែងរបស់លោក ​Pochettino ជាគ្របង្វឹកកំពុងតែស្ថិតក្រោមសម្ពាធកាន់តែខ្លាំង។ ទោះជាបែបនេះក្តី គ្រូបង្វឹកសញ្ជាតិអាហ្សង់ទីនរូបនេះនៅតែជឿថាលទ្ធផលទាំងនេះកើតឡើងដោយសារតែក្រុមអាជ្ញាកណ្តាលទីលាននិងប្រពន្ធវីដេអូ៕