ជាតិ
×![]()
ដោយ: ឈុំ ចន្ថា
យ៉ាងហោចណាស់ ផ្ទះ៣៥ខ្នងរបស់ប្រជាពលរដ្ឋ និងសាលារៀន១ខ្នង ស្ថិតក្នុងស្រុកថ្មពួក និងស្រុកស្វាយចេក ខេត្តបន្ទាយមានជ័យ រងការខូចខាតដោយសារខ្យល់កន្រ្តាក់ កាលពីយប់ថ្ងៃទី១៧មីនា ឆ្នាំ២០២២។ មកដល់ពេលនេះ កម្លាំងសមត្ថកិច្ច បានចុះរុះរើប្រមូលស័ង្កសី និងជួសជុលជូនពលរដ្ឋឡើងវិញ។ 
នគរបាលស្រុកស្វាយចេក បានបញ្ជាក់ថា កាលពីយប់ថ្ងៃទី១៧មីនា មានភ្លៀងលាយឡំជាមួយផ្គររន្ទះ និងខ្យល់កន្ត្រាក់ បានបក់បោកយ៉ាងខ្លាំងបង្កឲ្យផ្ទះ៦ខ្នង នៅភូមិចំការគ ឃុំស្វាយចេក ស្រុកស្វាយចេក បានរងការខូចខាតរបើកដំបូលធ្ងន់ និងស្រាល។ ដោយឡែក ស្រុកថ្មពួក មានផ្ទះ២៩ខ្នង និងសាលារៀន១ខ្នង រងការខូចខាត ស្ថិតក្នុងភូមិបន្ទាយមានរិទ្ធ ផ្លូវបំបែក ក្តិបថ្ម វល្លិ៍ប្រេង និងសាលាបឋមសិក្សាបន្ទាយមានប្ញទ្ធិ។
បើតាមក្រសួងធនធានទឹក និងឧតុនិយម ចាប់ពីថ្ងៃទី១៦ ដល់២២ ខែមីនា កម្ពុជានឹងទទួលឥទ្ធិពលពីជ្រលងសម្ពាធទាបពីឥណ្ឌា ក្នុងកម្រិតពីខ្សោយទៅមធ្យម និងសម្ពាធទាបតូចៗ ដែលបង្កឱ្យមានភ្លៀងធ្លាក់ក្នុងកម្រិតបង្គួរ លាយឡំដោយផ្គរ រន្ទះ និងខ្យល់កន្ត្រាក់៕
Tag:
បន្ទាយមានជ័យ
ខ្យល់កន្ត្រាក់
© រក្សាសិទ្ធិដោយ thmeythmey.com
