ក្រៅពីការបណ្តុះបណ្តាល លោក នេត សាវឿន ថែមទាំងណែនាំឲ្យស្នងការរាជធានី-ខេត្ត យកចិត្តទុកដាក់លើការថែបំប៉ន ការលើកទឹកចិត្ត និង ការហ្វឹកហ្វឺកដល់កងកម្លាំងប្រជាការពារ ដើម្បីក្លាយជាកងកម្លាំងជំនួយប្រកបដោយសមត្ថភាព ក្នុងចលនារក្សាសន្តិសុខ ព្រមទាំងជួយជំរុញការអនុវត្តគោលនយោបាយ «ភូមិ ឃុំ សង្កាត់ មានសុវត្ថិភាព» ឲ្យទទួលបានជោគជ័យ។
 

លោកអគ្គស្នងការនគរបាលជាតិ ពិនិត្យឃើញថា កងកម្លាំងប្រជាការពារ បានចូលរួមយ៉ាងសកម្មជាមួយនគរបាលប៉ុស្តិ៍រដ្ឋបាលឃុំ-សង្កាត់ និងបានក្លាយជាកម្លាំងជំនួយ ក្នុងការរក្សាសន្តិសុខ សណ្តាប់ធ្នាប់ និង សុវត្ថិភាពតាមមូលដ្ឋាន៕