ការទទួលបានមេដាយរបស់ចិន កើតឡើងបន្ទាប់ពីក្រុមអត្តពលិកអង់គ្លេសត្រូវបានដកហូតមេដាយប្រាក់។ កីឡាកររត់ប្រណាំង CJ Ujah របស់ក្រុមអង់គ្លេស ត្រូវបានបញ្ជាក់ថា មានលទ្ធផលតេស្តវិជ្ជមានសារធាតុជំនួយសាច់ដុំ Ostarine និង S-23 កាលពីខែសីហាឆ្នាំ ២០២១ កន្លងទៅ។ នេះបើយោងតាមការផ្សាយរបស់សមាគមអត្តពលិកអន្តរជាតិ (World Athletics)
 

អំឡុងការប្រកួតកាលពីខែសីហា ឆ្នាំ២០២១ នាទីក្រុងតូក្យូ សម្រាប់វិញ្ញាសារត់បណ្ដាក់ ក្រុមអត្តពលិកអុីតាលីឈ្នះមេដាយមាស ចំណែកអង់គ្លេសឈ្នះមេដាយប្រាក់ កាណាដាឈ្នះមេដាយសំរឹទ្ធ និងចិនឈរលំដាប់ថ្នាក់លេខ៤។ ក្រោយអង់គ្លេសត្រូវដកហូតមេដាយ ចិនមានឱកាសទទួលបានមេដាយសំរីទ្ធបន្តពីកាណាដា ហើយកាណាដាទទួលមេដាយប្រាក់។
 

សរុបមេដាយរបស់ប្រទេសចិន ឡើងដល់៨៩ ក្នុងនោះមេដាយមាស៣៨ មេដាយប្រាក់៣២ និងសំរឹទ្ធ១៩៕