ក្រៅពីបានផ្តល់ជំនួយទូរក្សាវ៉ាក់សាំង ​ឯកអគ្គរាជទូតអូស្ត្រាលីប្រចាំ​កម្ពុជា បានបញ្ជាក់ប្រាប់ សម្តេច នាយករដ្ឋមន្ត្រីកម្ពុជាទៀតថា អូស្ត្រាលី នឹង​ផ្ដល់ជំនួយកិច្ចសហប្រតិបត្តិការជាមួយកម្ពុជា លើវិស័យកសិកម្ម និងកសិឧស្សាហកម្ម ផ្ដោតលើការនាំចូលកសិផលរបស់ កម្ពុជា និងនាំចេញទៅប្រទេសក្រៅ តាមរយៈកិច្ចព្រមព្រៀងពាណិជ្ជកម្មសេរី។

​

​ទូតអូស្រ្តាលីរូបនេះ ក៏បានជម្រាបសម្តេច ហ៊ុន សែន ពីការបើកប្រទេសឡើងវិញ នៅ២​សប្តាហ៍ខាងមុខនេះដែរ ដែល​ការធ្វើដំណើរចូលប្រទេសអូស្ត្រាលី នឹងមិនតម្រូវការធ្វើ តេស្តកូវីដ-១៩ទៀតឡើយ។

 ជាការឆ្លើយតប សម្ដេច ហ៊ុន សែន បានថ្លែងអំណរគុណ​ឯកអគ្គរាជទូតអូស្ត្រាលីប្រចាំកម្ពុជា ​ ចំពោះជំ​នួយ នានាមកដល់កម្ពុជា និងស្នើលោក Pablo Kang ឱ្យពិនិត្យលើវិស័យផ្សេងៗទៀត ដើម្បី​ពង្រីក និងពង្រឹងកិច្ចសហប្រតិបត្តិការបន្ថែមទៀត លើទំនាក់ទំនងរវាងប្រទេស​ទាំង២។ ប្រមុខរដ្ឋាភិបាលកម្ពុជា ក៏ចូលរួម​សាទរ​រដ្ឋាភិបាលអូស្ត្រាលីក្នុងការគ្រប់ គ្រងការរីករាលដាល​កូវីដ-១៩ រួមទាំងការបើកប្រទេសឡើងវិញនា ពេលឆាប់ៗនេះដែរ។

 

សូមគូសបញ្ជាក់ថា កន្លងមករដ្ឋាភិបាលអូស្ត្រាលី បានផ្តល់ជំនួយវ៉ាក់សាំង​កូវីដ-១៩ ប្រភេទ  Pfizer ចំនួន ២,៣៥០,៥៣០ដូស ដល់កម្ពុជា៕

​