បើមើលតាមលិខិតរបស់លោក ហ៊ីង ថូរ៉ាក់ស៊ី បេក្ខជនទាំង៤៣នាក់ បានប្រឡងជាប់តាំងពីឆ្នាំ២០១៩មកម្ល៉េះ។ យ៉ាងណា គេ ទើបនឹងដឹងពីករណីលុបឈ្មោះរបស់ពួកគេ តាមរយៈលិខិតរបស់លោក ហ៊ីង ថូរ៉ាក់ស៊ី ដែលចេញនៅថ្ងៃទី២៩ ខែមីនា ឆ្នាំ២០២២។ 
 

លិខិតរបស់លោក ហ៊ីង ថូរ៉ាក់ស៊ី បានឲ្យដឹងថា ក្នុងចំណោមបេក្ខជនទាំង៤៣នាក់ ១នាក់ ប្រឡងជាប់ចូលរៀនថ្នាក់វេជ្ជបណ្ឌិត ២៨នាក់ ប្រឡងជាប់ចូលរៀនថ្នាក់បរិញ្ញាបត្ររងផ្នែកគិលានុបដ្ឋាក ៧នាក់ ប្រឡងជាប់ចូលរៀនថ្នាក់បរិញ្ញាបត្ររងផ្នែកបច្ចេកទេសមន្ទីរពិសោធន៍ ៤នាក់ ប្រឡងជាប់ចូលរៀនថ្នាក់បរិញ្ញាបត្ររងផ្នែកទន្តគិលានុបដ្ឋាក និង ៣នាក់ ប្រឡងជាប់ចូលរៀនថ្នាក់បរិញ្ញាបត្ររងផ្នែកឆ្មប។  
 

លោក រស់ សុវាចា អ្នកនាំពាក្យក្រសួងអប់រំ យុវជន និង កីឡា អះអាងថា ក្រសួង ថ្កោលទោសរាល់បទក្លែងបន្លំឯកសារសាធារណៈ។ លោក សរសេរមកកាន់សារព័ត៌មានថ្មីៗ តាមបណ្តាញតេឡេក្រាម នៅល្ងាចថ្ងៃទី៤ ខែមេសា ឆ្នាំ២០២២នេះ យ៉ាងដូច្នេះថា៖«ក្រសួងអប់រំ យុវជន និងកីឡា ពិនិត្យករណីនេះ និងសូមអំពាវនាវដល់ភាគីមានសមត្ថកិច្ចចាត់ការបុគ្គលពាក់ព័ន្ធតាមផ្លូវច្បាប់»។