យុវជនឆ្នើម១០០នាក់ ទទួលបានអាហារូបករណ៍ ចេន ហ្ស៊ី ដើម្បីបន្តការសិក្សានៅបណ្តាសាកលវិទ្យាល័យល្បីៗនៅកម្ពុជា

អត្ថបទពាណិជ្ជកម្ម

យុវជនឆ្នើម១០០នាក់ ទទួលបានអាហារូបករណ៍ ចេន ហ្ស៊ី ដើម្បីបន្តការសិក្សានៅបណ្តាសាកលវិទ្យាល័យល្បីៗនៅកម្ពុជា

05, Apr 2022 , 1:38 pm

រូបភាព

ដោយ: សារព័ត៌មានថ្មីៗ

រាជធានីភ្នំពេញ៖ ថ្ងៃទី០៥ ខែមេសា ឆ្នាំ២០២២ មូលនិធិព្រីនស៍ ដែលជាមូលនិធិសប្បុរសធម៌ របស់សម្ព័ន្ធក្រុមហ៊ុនព្រីនស៍គ្រុបដែលជាពហុក្រុមហ៊ុនមួយក្នុងចំណោម ក្រុមហ៊ុនដែលធំជាងគេ និងរីកចម្រើនបំផុតនៅក្នុងប្រទេសកម្ពុជា បាន ប្រកាសឈ្មោះបេក្ខភាពឆ្នើម១០០នាក់ ដែលទទួលបានអាហារូបករណ៍ ចេន ហ្ស៊ី ជំនាន់ដំបូងគេបង្អស់ ។

កម្មវិធីអាហារូបករណ៍នេះ គឺជាកិច្ចផ្តួចផ្តើមមួយក្រោមការដឹកនាំរបស់ លោក ចេន ហ្ស៊ី ដែលជាប្រធានក្រុមប្រឹក្សាភិបាល ព្រីនស៍ ហូលឌីង គ្រុប សហការជាមួយនឹងក្រសួង អប់រំ យុវជន និងកីឡា។

បេក្ខភាពដែលទទួលបានអាហារូបករណ៍នេះ នឹងបន្តការសិក្សាតាមគោលដៅរបស់ពួកគេ ដោយអាហារូបករណ៍បានជួយកាត់បន្ថយឧបសគ្គ និងការលំបាកដូចជាបញ្ហាហិរញ្ញវត្ថុ នៅក្នុងការសិក្សាជាដើម។ អាហារូបករណ៍នេះបានផ្តល់ឱកាសដល់យុវជនកម្ពុជា ក្នុងការពង្រីក សក្តានុពលរបស់ពួកគេ ដើម្បីធានានិរន្តរភាពនៃវិស័យសំខាន់ៗ របស់កម្ពុជា ដូចជាការរីកចម្រើនផ្នែកសំណង់ ក្នុងវិស័យអចលនទ្រព្យ ការជំរុញបរិយាប័ន្នហិរញ្ញវត្ថុ និងសេដ្ឋកិច្ចឌីជីថលក្នុងវិស័យធនាគារ និងឧស្សាហកម្មហិរញ្ញវត្ថុ និងការជួយលើកកម្ពស់ស្តង់ដារបដិសណ្ឋារកិច្ចថ្នាក់ពិភពលោក ឆ្លើយតបតាមតម្រូវការធនធានមនុស្សនៃសេដ្ឋកិច្ចក្នុងស្រុកនាពេលអនាគត ។ លើសពីនេះទៀត វានឹងបើកទ្វារសម្រាប់កម្ពុជា ក្នុងការលើកកម្ពស់ស្ដង់ដាររបស់ខ្លួនសម្រាប់ការប្រកួតប្រជែងក្នុងឆាកអន្តរជាតិ។

លោក Gabriel Tan នាយកជាន់ខ្ពស់ផ្នែកទំនាក់ទំនង របស់សម្ព័ន្ធក្រុមហ៊ុនព្រីនស៍ហូលឌីងគ្រុប បានមានប្រសាសន៍ថា៖ «ពួកយើងមានសេចក្តី រំភើប ដែលបានទទួលពាក្យពីបេក្ខជនជាង ១ ៥០០នាក់ ក្នុងរយៈពេល ៣ខែកន្លងមកនេះ សម្រាប់អាហារូបករណ៍ ចេន ហ្ស៊ី ជំនាន់ដំបូងគេនេះ។ នៅពេលនេះ ពួកយើងបានជ្រើសរើសបានបេក្ខជនឆ្នើមចំនួន ១០០នាក់ ដោយសង្ឃឹមថា ពួកគេទទួលបានគ្រឹះ ដ៏រឹងមាំ ក្នុងការចាប់យកក្តីស្រមៃ និងកសាងអនាគតដ៏ត្រចះត្រចង់ សម្រាប់ប្រទេសកម្ពុជា»។

នេះគឺជាអាហារូបករណ៍ទ្រង់ទ្រាយធំដំបូងបង្អស់ដែល ផ្តល់ដោយមូលនិធិព្រីនស៍ ដើម្បីពង្រឹងការជឿជាក់ដល់យុវជនកម្ពុជា ចាប់តាំងពីការចាប់ផ្តើមនៃជំងឺរាតត្បាតកូវីដ-១៩។ ដំណើរការនៃការជ្រើសរើសនេះ ដឹកនាំ ក្រសួងអប់រំ យុវជន និងកីឡា ដោយទទួលបានការគាំទ្រយ៉ាងពេញទំហឹង ពីសមាជិកនៃមូលនិធិព្រីនស៍។ នៅដើមខែកុម្ភៈ បេក្ខជនប្រមាណ ២០០នាក់ ដែលទទួលបាននិទ្ទេសល្អ ក្នុងការប្រលងសញ្ញាបត្រមធ្យមសិក្សាទុតិយភូមិ ត្រូវបានជ្រើសរើសដើម្បីសម្ភាសន៍។ អាហារូបករណ៍នេះ នឹងផ្តល់ការបង់ថ្លៃសិក្សាពេញ ព្រមទាំងប្រាក់ឧបត្ថម្ភដល់ និស្សិតដែលនឹងបន្តការសិក្សារបស់ពួកគេ នៅសកលវិទ្យាល័យល្បីៗក្នុងប្រទេសកម្ពុជា រួមមានសាកលវិទ្យាល័យភូមិន្ទភ្នំពេញ សាកលវិទ្យាល័យជាតិគ្រប់គ្រង និង វិទ្យាស្ថានបច្ចេកវិទ្យាកម្ពុជា។

ក្រុមហ៊ុន ព្រីនស៍ គ្រុប កំពុងធ្វើការ ដើម្បីធានាឲ្យបានថាអាហារូបករណ៍នេះដំណើរការទៅមុខ ឆ្ពោះទៅកាន់គោលដៅដែលមានចែង នៅក្នុងផែនការយុទ្ធសាស្ត្រវិស័យអប់រំឆ្នាំ ២០១៩-២០២៣ ដែលត្រូវបានរៀបចំឡើង ដើម្បីធ្វើកំណែទម្រង់ការអប់រំ យុវជន និងកីឡាដែលត្រូវការជាចាំបាច់។

លោក Gabriel បានបន្ថែមថា៖ «ជាមួយនឹងកម្មវិធីអាហារូបករណ៍នេះ យើងសង្ឃឹមថា នឹងចូលរួមចំណែក ដើម្បី លើកកម្ពស់ការអប់រំ រួមជាមួយកម្មវិធីដើម្បីសង្គម និងសកម្មភាពភាពជាអ្នកដឹកនាំផ្សេងៗ នៅឆ្នាំនេះ។ លើសពីនេះទៀត យើងចង់លើកកម្ពស់ដល់និស្សិតឆ្នើមទាំង ១០០នាក់ ជាមួយនឹងឱកាសការងារ និងរៀនសូត្រផ្សេងៗ ប្រសិនបើពួកគេជ្រើសរើសធ្វើការជាមួយយើង»៕

សម្រាប់ព័ត៌មានបន្ថែមអំពី ព្រីនស៍ គ្រុប សូមទំនាក់ទំនង៖

លោក សូ សោទ្ធី

អ្នកគ្រប់គ្រងផ្នែកទំនាក់ទំនងសាធារណៈ

Prince Foundation

ទូរសព្ទលេខ៖ (+855) 92 881 101

អ៊ីម៉ែល៖ [email protected]

(អត្ថបទពាណិជ្ជកម្ម)