ក្រុមម្ចាស់ផ្ទះ Bayern Munich បានបំបាក់ក្រុមលេខ២ Borussia Dortmund លទ្ធផល ៣-១ ដោយបង្កើនពិន្ទុនាំមុខដាច់កំពូលតារាង និងលើសក្រុមលេខ២ ចំនួន១២ពិន្ទុ ខណៈសល់៣ ប្រកួតក្នុងដៃ នៃការបញ្ចប់រដូវកាល។ 
 

Bayern Munich ជាក្រុមឈ្នះពានរង្វាន់ Bundesliga ១០ឆ្នាំជាប់គ្នា ចាប់តាំងឆ្នាំ២០១៣មក ហើយសរុប ៣២ពានរង្វាន់លីគកំពូលអាល្លឺម៉ង់ ចាប់តាំងពីក្លិប បានចូលរួមប្រកួតក្របខណ្ឌកំពូល ក្នុងឆ្នាំ១៩៦៣មក។
 

«វាមិនមែនងាយស្រួលឡើយ ក្នុងការរក្សាទម្រង់លេងដ៏អស្ចារ្យមួយ ក្នុងក្រុមបាល់ទាត់ពេញមួយរដូវកាល។ តែយ៉ាងណាក្នុងរយៈពេលប៉ុន្មានឆ្នាំក្រោយមកនេះ មនុស្សគ្រប់គ្នានឹងដឹងថាវាជាសមិទ្ធផលដ៏ធំ ដែលយើងឈ្នះពានរង្វាន់១០លើកជាប់គ្នាបែបនេះ»។ Lewandowski បានលើកឡើងបែបនេះ ក្រោយចប់ការប្រកួត៕