បច្ចុប្បន្នអតិថិជនដែលនៅតាមបណ្ដាខេត្តនានា អាច​របញ្ជាទិញទំនិញជាច្រើនប្រភេទ ពីផ្សារទំនើបអុីអនបានដោយសុវត្ថិភាព និងមានភាពងាយស្រួល ដោយពុំចាំបាច់ធ្វើដំណើរមកកាន់ទីតាំងផ្ទាល់ទ្បើយ។ យើងនឹង​ដឹកជញ្ជូនទំនិញជូនដល់គេហដ្ឋាន របស់អតិថិជនដោយផ្ទាល់នៅថ្ងៃបន្ទាប់។  

 

យើងនឹង​ដឹកជញ្ជូនទំនិញជូនដល់អតិថិជនរបស់យើង ប្រកបដោយសុវត្ថិភាព និងរហ័ស ដោយមានទំនិញជាច្រើនប្រភេទ រហូតដល់​១០ ០០០ មុខ រាប់ចាប់ពីអាហារ សម្លៀកបំពាក់ និងសម្ភារប្រើប្រាស់ក្នុងផ្ទះ ដើម្បីបំពេញនូវសេចក្ដីត្រូវការរបស់អតិថិជនគ្រប់រូប។ 

 

អតិថិជនគ្រប់រូប ក៏អាចរីករាយជាមួយការផ្ដល់ជូនពិសេសផងដែរ ដោយទទួលបានការដឹកជញ្ជូនដោយឥតគិតថ្លៃ ចាប់ពីថ្ងៃទី០១ ដល់ ៣១ ខែឧសភា។ 

 

 

លោក Tahara Masaki ប្រធានគ្រប់គ្រងទូទៅអុីអន អនទ្បាញ បានមានប្រសាសន៍ថា​សេវាកម្មដឹកជញ្ជូន ទូទាំងប្រទេស គឺជាសម្ធិផលថ្មីមួយទៀត របស់អុីអន ក្នុងការផ្សារភ្ជាប់កម្រិតជីវភាពរស់នៅរបស់ប្រជាជន នៅជនបទ និងនៅទីក្រុង។ ​“យើងមានបំណងនាំយកនូវបទពិសោធថ្មីៗ ក្នុងការទិញទំនិញទៅកាន់អតិថិជន គ្រប់រូប ដែលរស់នៅតាមបណ្ដាខេត្តនានា ក្នុងប្រទេសកម្ពុជា ដើម្បីឲ្យពួកគាត់មានអារម្មណ៍ថា ពួកគាត់ក៏អាចទិញទំនិញដោយមានភាពងាយស្រួល និងសុវត្ថិភាព” ។ នេះជាការលើកទ្បើងបន្ថែមរបស់លោក Tahara Masaki ប្រធានគ្រប់គ្រងទូទៅអុីអន អនទ្បាញ។ 

 

លោកក៏បានបន្ថែមទៀតថា ពិភពលោកកំពុងមានការផ្លាស់ប្ដូរយ៉ាងខ្លាំង ហើយយើងនៅមានចំណុចខ្វះខាតជាច្រើន ដែលត្រូវកែលម្អ។ យើងទទួលយកនូវរាល់មតិយោបល់របស់អតិថិជនរបស់យើង និង​កែលម្អជាប្រចាំ ដើម្បីបំពេញតម្រូវការពួកគេ។ យើងមានការសប្បាយរីករាយ ប្រសិនបើអតិថិជនរបស់យើងភាគច្រើន អាចប្រើប្រាស់សេវាកម្មរបស់យើង កាន់តែមានភាពងាយស្រួលជាងមុន។​

 

 

គួររំឭកផងដែរថា ក្រុមហ៊ុនអុីអន​ ខេមបូឌា បានបង្កើតអាជីវកម្មអនទ្បាញរបស់ខ្លួន ដោយមានឈ្មោះថា “AEON Online” នៅក្នុងឆ្នាំ ២០១៩ ស្របពេលមានការរីកចម្រើនយ៉ាងខ្លាំង នៃទីផ្សារអាជីវកម្មអនទ្បាញ លើពិភពលោក ក៏ដូចជាការរីកចម្រើនគួរឲ្យកត់សម្គាល់ នៃបច្ចេកវិទ្យានៅលើទីផ្សាររបស់ប្រទេសកម្ពុជា។

 

លើសពីនេះទៅទៀត យើងទទួលបានការគាំទ្រយ៉ាងពេញទំហឹង ពីសំណាក់អតិថិជនរបស់យើង ដោយសារបទពិសោធន៍ក្នុងការជាវទំនិញអនទ្បាញ ប្រកបដោយភាពងាយស្រួល សុវត្ថិភាព និងសេវាកម្មរហ័សទាន់ចិត្ត។

 

គួរបញ្ជាក់ផងដែរថា ដោយសារកត្តាការរីកចម្រើន នៃជីវភាពរស់នៅក្នុងពេលបច្ចុប្បន្ន កាន់តែមានភាពទំនើបក្នុងបរិយាកាសនៃជំងឺឆ្លង រួមទាំងការរីកចម្រើនយ៉ាងខ្លាំងនៃបច្ចេកវិទ្យា និងសេវាអ៊ីនធឺណិតគ្របដណ្ដប់ទូទាំងប្រទេស បានជំរុញឲ្យអុីអន ពង្រឹង និងពង្រីកបន្ថែមនូវសេវាកម្មរបស់ខ្លួន ដែលអាចមានវិសាលភាពដឹកជញ្ជូនទូទាំងប្រទេស។ 

អតិថិជនអាច​បញ្ជាទិញទំនិញជាច្រើនមុខ តាមរយៈ ៖ www.aeononlineshopping.com

សម្រាប់ព័ត៌មានបន្ថែម៖

ហ្វេសប៊ុកផេក៖ AEON Online Cambodia

អ៊ីម៉ែល៖​ [email protected]

ទូរស័ព្ទ៖ +855 81/86 760 761 ៕