មួយគ្រាប់របស់ Kieffer Moore គ្រប់គ្រាន់ដើម្បីជួយក្រុម Bournemouth ត្រឡប់ទៅលីគកំពូលអង់គ្លេសនៅរដូវកាលក្រោយវិញ។ Bournemouth រកបានពិន្ទុនាំមុខដាច់ក្រុមលេខ៣ Nottingham Forest ចំនួន៦ពិន្ទុ ខណៈការប្រកួតនៅសល់មួយលើកប៉ុណ្ណោះនឹងបញ្ចប់រដូវកាល ២០២១-២២នេះ។
 

ក្រុមដែលដឹកនាំដោយអ្នកចាត់ការទូទៅលោក Scott Parker ស្ថិតនៅចំណាត់ថ្នាក់ទី២ ដោយរកបាន៨៥ពិន្ទុ ពីការប្រកួត៤៥លើក តាមពីក្រោយក្រុមជើងឯក Fulham ចំនួន៥ពិន្ទុ។

នៅក្របខណ្ឌលីគ Championship ក្រុមដែលបញ្ចប់ក្នុងចំណាត់ថ្នាក់ទី១ និងទី២ បានកៅអីស្វ័យប្រវត្តិទៅកាន់ក្របខណ្ឌកំពូល។ ដោយឡែកក្រុមលេខ៣ដល់លេខ៦ ត្រូវប្រកួត play-off ដើម្បីដណ្តើមយកមួយកៅអីទៅ Premier League។
 

Nottingham Forest ដែលស្ថិតនៅលេខ៣ រួមជាមួយ Huddersfield Town លេខ៤ បានសិទ្ធិប្រកួតជម្រុះ play-off ខណៈ Sheffield United និង Luton Town ដែលនៅលេខ៤ និងលេខ៥បណ្តោះអាសន្ន ត្រូវធ្វើយ៉ាងរក្សាចំណាត់ថ្នាក់នេះឱ្យបាន ពីការប្រជែងរបស់ Middlesbrough និង Millwall ដែលមានពិន្ទុប្រដេញគ្នាតាមពីក្រោយ។
 

Derby County​, Peterborough United និង Barnsley ត្រូវកាត់ចេញទៅលីគកម្រិតទី៣ League 1៕