ជាតិ
ពីនេះ ពីនោះ
«អង្គែ» និង «អង្កែ» មានន័យផ្សេងគ្នា
× «អង្គែ» និង «អង្កែ» មានន័យរៀងៗខ្លួន។ នេះបើផ្អែកតាមការពន្យល់ក្នុងវចនានុក្រមខ្មែរ សម្តេចព្រះសង្ឃរាជ ជួន ណាត។
«អង្គែ» ជាឈ្មោះរោគស្បែកមួយប្រភេទ មានអាការគគ្រាតឡើងសម្បុរ-សកើតនៅសរីរប្រទេសដែលមានសក់ឬមានរោម បណ្ដាលឲ្យរមាស់។ ក្បាលអង្គែស៊ី, សេះកើតអង្គែ, ឆ្កែកើតអង្គែ ។
រីឯ «អង្កែ» វិញ ជាពាក្យមិនសូវមានការប្រើប្រាស់ជាប្រចាំឡើយ។ ពាក្យនេះ មានន័យថា ក្ដារហ៊ឹងសម្រាប់ដាក់គ្រឿងសក្ការបូជា។ ដាក់ដបផ្កាលើអង្កែ ។
សម្រាប់ពាក្យ «អង្គែ» បើប្រើជាមួយពាក្យ «អង្គឺ» វិញ មានន័យថា ដែលស្ទាក់ស្ទើរ, ហ៊ីងហ៊ាង។ គំនិតអង្គឺអង្គែ, សម្ដីអង្គឺអង្គែ ៕
© រក្សាសិទ្ធិដោយ thmeythmey.com