ភ្លៀងធ្លាក់លាយឡំនឹងខ្យល់កន្ទ្រាក់បានបណ្តាលឲ្យផ្ទះរបស់ប្រជាពលរដ្ឋសរុប ២៦​ខ្នង ត្រូវរងផលប៉ះពាល់យ៉ាងធ្ងន់ធ្ងរ ដូចជា ដួលផ្ទះ របើកដំបូលសង្ក័សី បែកបាក់សម្ភារៈប្រើប្រាស់ជាច្រើនទៀត គិតត្រឹមថ្ងៃទី ២៦ -២៧ ឧសភា ។  
 

ផ្ទះប្រជាពលរដ្ឋដែលរងផលប៉ះពាល់ទាំងនោះ​ ស្ថិតនៅក្នុងខេត្តត្បូងឃ្មុំ ឧត្តរមានជ័យ កណ្តាល និងព្រៃវែង ។ ហេតុការណ៍ដែលបានកើតឡើងនេះ មិនបណ្តាលឲ្យមានគ្រោះថ្នាក់ដល់មនុស្ស និងសត្វឡើយ។
 

សូមជម្រាបថា ក្រសួងធនធានទឹក និងឧតុនិយមបានព្យាករថា ចាប់ពីថ្ងៃទី២៥-៣១ ឧសភា  កម្ពុជា អាចនឹងមានភ្លៀងធ្លាក់ម្រិតខ្សោយទៅបង្គួរ។ ស្ថានភាពបែបនេះ បណ្ដាលមកពីឥទ្ធិពលនៃប្រព័ន្ធសម្ពាធទាប អូសបន្លាយភាគខាងជើងប្រទេសថៃ ឡាវ ជាមួយខ្យល់មូសុងនិរតីកម្រិតមធ្យម៕