កីឡាអន្តរជាតិ
អន្តរជាតិ
លោក Rangnick បោះបង់តួនាទីប្រឹក្សាយោបល់នៅ Man United ព្រោះចង់ផ្ដោតលើជម្រើសជាតិអូទ្រីស
× លោក Ralf Rangnick បោះបង់តួនាទីជាអ្នកប្រឹក្សាយោបល់របស់ក្លិប Manchester United ដោយចង់ផ្ដោតលើតួនាទីថ្មីនៅជម្រើសជាតិអូទ្រីសវិញ។បើ តាមសេចក្តីថ្លែងការណ៍ក្លិបបិសាក្រហមនាថ្ងៃទី២៩ ខែឧសភា។
លោក Rangnick បានយល់ព្រមទទួលការងារជាអ្នកចាត់ការក្រុមជម្រើសជាតិអូទ្រីសក្នុងកិច្ចសន្យារយៈពេល២ឆ្នាំ កាលពីចុងខែមេសាកន្លងទៅនេះ។ ទោះទទួលការងារថ្មីលោក Rangnick ក៏បាន អះអាងថាលោកយល់ព្រមទទួលការងារជាអ្នកប្រឹក្សាយោបល់ក្លិប Man United កិច្ចសន្យា២ឆ្នាំ។ ប៉ុន្តែក្នុងសប្តាហ៍នេះ លោកបែរជាប្រកាសបោះបង់ការងារនៅបិសាចក្រហម។
«យើងពិតជាអរគុណទៅកាន់លោក Ralf Rangnick សម្រាប់កិច្ចខិតខំប្រឹងប្រែងក្នុងនាមជាអ្នកចាត់ការបណ្តោះអាសន្នក្នុងរយៈពេល៦ខែមកនេះ។ បើតាមកិច្ចសន្យា Rangnick នឹងត្រូវផ្តោតអារម្មណ៍ក្នុងនាមជាអ្នកចាត់ការក្រុមជម្រើសជាតិអូទ្រីស ហើយនឹងមិនកាន់តំណែងជាទីប្រឹក្សាយោបល់នៅ Old Trafford ឡើយ។»។ នេះបើតាមសេចក្តីប្រកាសរបស់ក្លិប Man United។
ដឹកនាំបិសាចក្រហមរយៈពេល ៦ខែ បន្ទាប់ពីលោក Ole Gunnar Solskjaer គ្រូបង្វឹកវ័យ៦៣ឆ្នាំ បានជួយក្រុមបញ្ចប់ចំណាត់ថ្នាក់លេខ៦ ហើយក្រុមត្រូវប្រកួតក្នុងពានរង្វាន់ Europa League រដូវក្រោយ។ លោក Erik ten Hag ជាអ្នករ៉ាប់រងវាសនាក្រុមបិសាចក្រហមបន្ទាប់។
សូមជម្រាមថាលោក Rangnick នឹងទៅដឹកនាំជម្រើសជាតិអូទ្រីសប្រកួតក្នុងជំនួប UEFA Nations League នាថ្ងៃទី៣ ខាងមុខដោយតទល់ជាមួយក្រូអាស៊ី មុនទៅជួបដាណឺម៉ាក និងបារាំង៕
Tag:
Ralf Rangnick
Manchester United
© រក្សាសិទ្ធិដោយ thmeythmey.com