ដ្បិតជាពិព័រណ៍លើកដំបូង តែប្រធានបណ្ណាល័យមជ្ឈមណ្ឌលខេមរសិក្សាមើលឃើញថា សន្ទុះនៃអ្នកចូលរួម ក៏ដូចជាអ្នកគាំទ្រ គឺមានច្រើន ដែលនឹងជួយឱ្យអ្នករៀបចំ ពិចារណាក្នុងការរៀបចំបន្តបន្ទាប់ទៀតនៅឆ្នាំក្រោយ ហើយអាចធ្វើច្រើនថ្ងៃជាងពេលនេះ។ អ្នកស្រី ឈ ស៊ីវឡេង៖« មើលពីចំនួនអ្នកចូលរួម គឺលើសពីការរំពឹងទុក ព្រោះជាលើកទី១ មិនរំពឹងថាមានអ្នកចូលរួមច្រើនដល់ម្លឹងទេ ដល់ម៉ោងនេះ គឺយើងចាត់ទុកថាជោគជ័យដ៏ធំ របស់យើង យើងនឹងបន្តលើកកម្ពស់វិស័យនេះ និងត្រៀមរៀបចំកម្មវិធីនេះនៅឆ្នាំក្រោយទៀត ឱ្យបានកាន់ តែវែង»។

 

សូមបញ្ជាក់ថា ក្រៅពីពិព័រណ៍សៀវភៅនៅខាងផ្នែកខាងក្រៅហើយនោះ ក៏មានកម្មវិធីចែករំលែកចំណេះដឹង និងគន្លឹះនៃការទទួលអាហារូបករណ៍ទៅសិក្សានៅក្រៅប្រទេស ក៏ដូចជាក្នុងប្រទេស ពីសិស្សនិស្សិតមុនៗ ដែលមានបទពិសោធន៍ផងដែរ។ ក្នុងនោះ ក៏មានដែរ បទបង្ហាញពីគន្លឹះនៃការអាន ដែលរៀបចំក្នុងអគារប្រជុំមជ្ឈមណ្ឌលខេមរសិក្សា ដែលស្ថិតក្នុងបរិវេណវត្តដំណាក់ ក្រុងសៀមរាប៕