មិនមានមធ្យោបាយច្រើនទេក្នុងការពង្រឹងដល់សុខភាព និងប្រតិបត្តិការផ្លូវភេទឡើយ ប៉ុន្តែមធ្យោបាយដ៏ល្អបំផុតគឺត្រូវការជីវជាតិសំខាន់ៗទៅវិញទេ។ សិចគឺជាមុខងារធម្មជាតិរបស់រាងកាយ ហើយវាក៏អាចស្តារឡើងវិញបានយ៉ាងងាយជាមួយនឹងជំនួយរបស់វីតាមីន។ ខាងក្រោមនេះគឺជាជីវជាតិសំខាន់ៗមួយចំនួនដែលអាចជួយបង្កើនប្រតិបត្តិការ និងសុខភាពផ្លូវភេទដល់កំពូលបាន។
វីតាមីន E
វីតាមីន E ដើរតួជាអង់ទីអុកស៊ីដង់ដ៏ខ្លាំងក្លាសម្រាប់ជួយពង្រឹងដល់ចរន្តឈាមរត់។ ក្រៅពីជំនួយដល់ជីវិតផ្លូវភេទ របត់ឈាមរត់គឺជាគ្រឿងផ្សំយ៉ាងសំខាន់សម្រាប់មុខងារផ្លូវភេទ។ ទម្រង់របស់វីតាមីន E ភាគច្រើនមានដូចជា Alpha-tocopherol និង Gamma-tocopherol។ នេះគឺជាសមាធាតុពីខុសគ្នានៃវីតាមីន E។ ឧទាហរណ៍ ប្រភពរបស់វីតាមីន E មានដូចជា គ្រាប់ធញ្ញជាតិ, ផ្លែគីវី, ស្ពៃបៃតងចាស់, ប៉េងប៉ោះ, ស្វាយ និងប្រេងបន្លែ។
វីតាមីន Bកំផ្លេច
វីតាមីន B1, B2, B3, B5 និង B12 ជួយបង្កើនចំណង់ផ្លូវភេទ និងមានឥទ្ធិពលយ៉ាងផ្ទាល់ទៅលើលំហូរឈាម។ វីតាមីន B12 ត្រូវបានរាងកាយប្រើប្រាស់សម្រាប់បង្កើនផ្លូវអារម្មណ៍ និងថាមពលរបស់មនុស្សដែលធ្លាប់មានរោគសញ្ញាតិចតួចទាក់ទងនឹងការបាក់ទឹកចិត្ត។ វីតាមីន B12 ជួយជម្រុញអារម្មណ៍មនុស្សក្នុងការពង្រឹងដល់ជីវិតផ្លូវភេទរបស់មនុស្ស។
L-Arginine
សារធាតុ L-arginine គឺជាអាស៊ីតអាមីណេ ឬប្រូតេអ៊ីសាងសង់យ៉ាងសំខាន់មួយ។ វាមាននាទីជួយបង្កើនលំហូរឈាមចូលទៅក្នុងសារីរាង្គផ្លូវភេទទាំងបុរស និងស្ត្រី។ ចូរប្រាកដថា អ្នកទទួលបានវាពីរបបអាហាររបស់អ្នកបានគ្រប់គ្រាន់ហើយ។
ស័ង្គសី
ស័ង្គសីគឺជាតម្រូវការសម្រាប់ការផលិតអ័រម៉ូនតេស្តូស្តេរ៉ូន ហើយក៏ជាសមាសធាតុដ៏សំខាន់នៃចំណង់ផ្លូវភេទរបស់បុរស និងស្ត្រី។ ចំណង់ផ្លូវភេទប្រហែលជាថយចុះបានបើសិនជាកម្រិតនៃអ័រម៉ូនតេស្តូស្តេរ៉ូនចុះទាប។ អាហារមួយចំនួនដែលសម្បូរជាតិស័ង្គសីមានដូចជា ស្ពៃបៃតងចាស់, ខ្ទឹមស, គ្រាប់ល្ពៅ, និងអ័យស្ទើរ។
វីតាមីន C
វីតាមីន C ធ្វើសកម្មភាពយ៉ាងស្និទ្ធស្នាលជាមួយវីតាមីន E ក្នុងការជម្រុញដល់ជីវិតផ្លូវភេទរបស់មនុស្ស។ តាមពិត វីតាមីន E ទាមទារអោយប្រើវីតាមីន C ដើម្បីទទទួលបានប្រយោជន៍ដល់ចរន្តឈាមក្នុងសរសៃឈាមអាក់ទែ ដូច្នេះវានឹងមានផលល្អដល់ចំណង់ផ្លូវភេទ។ ផ្លែឈើជូរៗគឺជាប្រភពដ៏ល្អបំផុតនៃវីតាមីន C មកពីធម្មជាតិ។ បើសិនជាអ្នកមិនអាចបន្ថែមអាហារបំប៉នមានជាតិជូរក្នុងរបបអាហារគ្រប់គ្រាន់ទេ អ្នកអាចប្រើប្រាស់ក្រូចឆ្មា ឬក្រូចបាន។
សារធាតុ Citrulline
ជីវជាតិមួយនេះបំពេញតួនាទីដូចថ្នាំសម្រើបធម្មជាតិអញ្ជឹង ព្រោះវាជួយបង្កើតសារធាតុអាស៊ីតនីទ្រីច។ សារធាតុនីទ្រីចមានសារៈសំខាន់ក្នុងការបញ្ចូលអុកស៊ីសែនក្នុងឈាម សម្រាប់ជម្រុញដល់លំហូរឈាម ដូច្នេះវានឹងបង្កើនភាពស្និទ្ធស្នាលកាន់តែខ្លាំង។ ជីវជាតិមួយនេច្រើនតែមានក្នុងផ្លែឪឡឹក៕