ជាតិ
ប្រ៊ុយណេ ផ្ដល់អាហារូបករណ៍ដល់សិស្សនិស្សិត ដើម្បីលើកកម្ពស់ជំនាញទំនាក់ទំនងវិជ្ជាជីវៈអាស៊ាន
×
ដោយ៖ សែម ប្រាក់ដាវ
ភ្នំពេញ៖ ប៊ុយណេ ផ្ដល់អាហារូបករណ៍ដល់សិស្សនិស្សិតដើម្បីលើកកម្ពស់ជំនាញទំនាក់ទំនងវិជ្ជាជីវៈសម្រាប់អាស៊ាន ឆ្នាំ២០២២។ អាហារូបករណ៍នេះ
ផ្តល់សម្រាប់សិស្សនិស្សិត មកពីប្រទេសសមាជិកអាស៊ាន លើថ្នាក់ បរិញ្ញាបត្រ ថ្នាក់ក្រោមបរិញ្ញាបត្រ និងអនុបណ្ឌិត។
បើយោងតាមសេចក្ដីប្រកាសរបស់ ក្រសួងអប់រំ យុវជន និងកីឡា ប្រ៊ុយណេ បានប្រកាសរើសបេក្ខជនមកពីប្រទេសនានា ដែលជាសមាជិកអាស៊ានសម្រាប់ «អាហារូបករណ៍ប្រ៊ុយណេដារូសាឡឹម» ដើម្បីលើកកម្ពស់ជំនាញទំនាក់ទំនងវិជ្ជាជីវៈសម្រាប់អាស៊ានឆ្នាំ២០២២។ ការប្រលង នឹងធ្វើឡើងនៅមជ្ឈមណ្ឌល UBD-FPT
Global ក្នុងទីក្រុង Da Nang ប្រទេសវៀតណាម។
បេក្ខជនដែលមានបំណងចង់ដាក់ពាក្យ ត្រូវមានអាយុចាប់ពី១៨ ដល់២៥ ឆ្នាំ សម្រាប់ថ្នាក់បរិញ្ញាបត្រ និងក្រោមសញ្ញាបត្រ។ ចំណែកថ្នាក់អនុបណ្ឌិត ត្រូវមានអាយុយ៉ាងច្រើន៣៥ឆ្នាំ
គិតត្រឹមឆ្នាំ២០២២។ បេក្ខជនដែលទទួលបានអាហារូបករណ៍នេះ នឹងទទួលបានការរ៉ាប់រងទាំងអស់ដូចជា ការបង់ថ្លៃសិក្សា ការចុះឈ្មោះ សំបុត្រយន្តហោះព្រមទាំងទទួលបានប្រាក់លើកទឹកចិត្តមួយចំនួនទៀត។
Tag:
Moeys
អាហារូបករណ៍
ប្រ៊ុយណេ
អាស៊ាន
© រក្សាសិទ្ធិដោយ thmeythmey.com