ការិយាល័យនគរបាលបង្ការ ពន្លត់អគ្គិភ័យ និងសង្គ្រោះនៃស្នងការដ្ឋាននគរបាលរាជធានីភ្នំពេញ ចាត់ទុកសម្តីរបស់បុរសនោះ ថាជាការបំពុលសង្គម ជាការប្រមាថដល់សមត្ថកិច្ច និងធ្វើឲ្យប្រជាពលរដ្ឋយល់ច្រឡំលើកងកម្លាំងសមត្ថកិច្ច ដែលបានចុះប្រតិបត្តិការជួយសង្គ្រោះប្រជាពលរដ្ឋ ដែលរងគ្រោះដោយអគ្គិភ័យ។ 

 

ពេលទៅដល់ដល់ការិយាល័យនគរបាលបង្ការ ពន្លត់អគ្គិភ័យ និងសង្គ្រោះនៃស្នងការដ្ឋាននគរបាលរាជធានីភ្នំពេញ បុរសនោះ បានសារភាពកំហុស និងសុំទោស។ វីដេអូដែលបង្ហាញពីការសុំទោសរបស់គាត់ ត្រូវបានបង្ហោះលើទំព័រហ្វេសប៊ុករបស់ការិយាល័យនគរបាលបង្ការ ពន្លត់អគ្គិភ័យ និងសង្គ្រោះនៃស្នងការដ្ឋាននគរបាលរាជធានីភ្នំពេញ។ «ខ្ញុំសូមអភ័យទោសជាសាធារណៈ ប្រសិនបើមានលើកក្រោយទៀត ខ្ញុំសូមទទួលទោសតាមផ្លូវច្បាប់»។ នេះជាសម្តីរបស់គាត់ ហើយគាត់ សុំឲ្យសមត្ថកិច្ចលើកលែងទោស។ 

 

តាមរយៈទំព័រហ្វេសប៊ុករបស់ខ្លួន ការិយាល័យនគរបាលបង្ការ ពន្លត់អគ្គិភ័យ និងសង្គ្រោះនៃស្នងការដ្ឋាននគរបាលរាជធានីភ្នំពេញ បានអំពាវនាវឲ្យសាធារណជន រួមគ្នាចែកចាយព័ត៌មានពិត៕