អត្តពលិកកីឡាកាយវប្បកម្ម និងលំហាត់ប្រាណកម្ពុជា២រូប ដែលបានចូលរួមព្រឹត្តការណ៍កីឡា Asian Body Building and Physique លើកទី៥៤ នៅប្រទេសម៉ាល់ឌីវ ។ កីឡាករកាយវប្បកម្ម ឆឹង ណូរ៉ា ជាអ្នកសម្រេចបានមេដាយមាស ១គ្រឿងលើប្រភេទវិញ្ញាសា Athletic Physiqe  តាមក្តីបំណងរបស់ខ្លួន ដែលធ្លាប់បាននិយាយមុនចូលរួមប្រកួត។

 

 

នេះជាស្នាដៃដ៏ធំមួយសម្រាប់ជាតិបានមកពីការខិតខំប្រឹងប្រែងរបស់សហព័ន្ធ និងកីឡាករ ដែលបានសម្រេចជាមួយសមិទ្ធផលខ្ពស់ មុនពេលព្រឹត្តិការណ៍ស៊ីហ្គេមលើកទី៣២ នាឆ្នាំ២០២៣ ដែលកម្ពុជានឹងធ្វើជាម្ចាស់ផ្ទះ ។ ហើយនេះក៏ជាមេដាយទី៣ ផងដែរ សម្រាប់កីឡាកាយវប្បកម្មកម្ពុជា ដែលទទួលបានពីព្រឹត្តិការណ៍លំដាប់អន្តរជាតិ៕