មាត្រានៃរដ្ឋធម្មនុញ្ញ ដែលត្រូវធ្វើវិសោធនកម្មលើកទី១០នេះ មានមាត្រា៦ គឺ មាត្រា១៩ថ្មី (មួយ) មាត្រា៨៩ មាត្រា៩៨ មាត្រា១០២ ថ្មី មាត្រា១១៩ថ្មី (មួយ) និងមាត្រា១២៥ ថ្មី។ ជាមួយនេះ ២មាត្រាក្នុងច្បាប់ធម្មនុញ្ញបន្ថែម គឺ មាត្រា៣ថ្មី និងមាត្រា៤ថ្មី ក៏ត្រូវបានជ្រើសរើសយកទៅធ្វើវិសោធនកម្មដែរ។ 
 

សេចក្តីប្រកាសព័ត៌មាន បានឲ្យដឹងថា ក្រៅពីសេចក្តីព្រាងច្បាប់ស្តីពីវិសោធនកម្មរដ្ឋធម្មនុញ្ញ នៅមានសេចក្តីព្រាងច្បាប់មួយចំនួន ក៏នឹងត្រូវលើកទៅពិភាក្សា និងអនុម័តក្នុងសម័យប្រជុំរដ្ឋសភាដែរ រួមមាន សេចក្តីព្រាងច្បាប់ ស្តីពីការគ្រប់គ្រងចំណូលមិនមែនសារពើពន្ធ ជាដើម៕