សហព័ន្ធកីឡាប្រដាល់សកល កំពុងខិតខំប្រឹងប្រែងហ្វឹកហាត់យ៉ាងមុតមាំ បន្ទាប់ពីទទួលបានគ្រូបង្វឹកថ្មីបន្ថែមពីប្រទេស កាហ្សាក់ស្ថាន គឺលោក KASSYMKHANOV BERIKBOL AMANTAYEVICH ។ គ្រូបង្វឹករូបនេះ នឹងបង្វឹកកីឡាករ-កីឡាការិនីប្រដាល់សកលកម្ពុជា រហូតដល់ចប់ព្រឹត្តិការណ៍ស៊ីហ្គេមនៅកម្ពុជា។
 

សហព័ន្ធជឿជាក់ថា នឹងអាចយកមេដាយមាសយ៉ាងហោច១គ្រឿង តាមផែនការរបស់គណៈកម្មាធិការ CAMSOC នាឆ្នាំ២០២៣។ អគ្គលេខាធិការសហព័ន្ធកីឡាប្រដាល់សកលកម្ពុជា ប្រាប់សារព័ត៌មានថ្មីៗតាមតេឡេក្រាមថា៖«ក្តីរំពឹងយើងដូចអ្វីដែលគណៈកម្មការ CAMSOC បានដាក់គោលដៅគឺសន្ទស្សន៍ប្រដាល់សកលធ្វើយ៉ាងណារកមេដាយមាសឲ្យបាន១គ្រឿង ហើយយើងមានក្តីរំពឹងខ្ពស់ថាយើងនឹងអាចធ្វើបាន»។ 
 

សម្រាប់សហព័ន្ធបានបញ្ជូនកីឡាករ២រូបចេញ ទៅហ្វឹកហាត់នៅប្រទេសថៃ និង១១នាក់ កំពុងហ្វឹកហាត់ជាមួយគ្រូបង្វឹកប្រចាំសហព័ន្ធ និងគ្រូជនជាតិកាហ្សាក់ស្ថាន ដែលទើបមកដល់កម្ពុជា៕