ក្នុងព្រឹត្តិការណ៍ពានរង្វាន់ព្រះមហាក្សត្រថៃលើកទី៣៥ មានប្រតិភូ និងអត្តពលិកកម្ពុជា៣៣នាក់ចូលរួម។ ក្នុងនោះមានប្រតិភូ២រូប អាជ្ញាកណ្តាល១ គ្រូបង្វឹក៤ កីឡាករ១៨ និងកីឡាការិនី ៨នាក់។

 

ក្នុងនោះដែរ ISTAF បានដាក់លិខិតអញ្ជើញលោក ទុយ ប៊ុនហឿន អនុប្រធានសហព័ន្ធកីឡាសីដក់ និងឈិនឡូនកម្ពុជា ចូលជាអាជ្ញាកណ្តាលសម្រាប់ព្រឹត្តិការណ៍ពានរង្វាន់នេះ។ នេះបើតាមការបញ្ជាក់ពីលោក ទី លីឈ័ង អគ្គលេខាធិការរងសហព័ន្ធកីឡាសីដក់ និងឈិនឡូនកម្ពុជា។

 

ថ្លែងប្រាប់សារព័ត៌មានថ្មីៗ លោក ប៊ុនហឿន បាននិយាយថា៖«គាត់មានបទពិសោធន៍ជាច្រើនឆ្នាំ គាត់បានរៀនសីដក់នៅប្រទេសថៃ គាត់ក៏ជាគ្រូឧទ្ទេស ដែលបណ្តុះបណ្តាលអាជ្ញាកណ្តាលនៅកម្ពុជាដែរ ហើយគាត់និយាយភាសាថៃក៏បាន និងភាសាអង់គ្លេសក៏បាន»។ 
 

គួរបញ្ជាក់ផងដែរថា លោក ទុយ ប៊ុនហឿន អនុប្រធានសហព័ន្ធកីឡាសីដក់ និងឈិនឡូនកម្ពុជា ក៏នឹងត្រូវដាក់បញ្ចូលជាអាជ្ញាកណ្តាលសម្រាប់ព្រឹត្តិការណ៍កីឡាស៊ីហ្គេមលើកទី៣២ ដែលកម្ពុជា ធ្វើជាម្ចាស់ផ្ទះឆ្នាំ២០២៣ ផងដែរ៕