លោក យ៉ាំ ថៃសាន អគ្គលេខាធិការសហព័ន្ធកីឡាវ៉ូវីណាមប្រាប់សារព័ត៌មានថ្មីៗថា កម្ពុជា មិនទាន់ល្អគ្រាប់គ្រាន់ឡើយ ទោះបីឈ្នះមេដាយច្រើន នៅក្នុងស៊ីហ្គេមលើកទី៣១ នៅវៀតណាមក្តី។
 

«យើងបានដកពិសោធន៍ពីស៊ីហ្គេមលើកទី៣១ លើចំនុចខ្លាំងនិងចំនុចខ្សោយ របស់យើង ដើម្បីឆ្ពោះទៅស៊ីហ្គេម២០២៣ ទាំងការរៀបចំធនធានកីឡាករគ្រូបង្វឹក មន្ត្រីបច្ចេកទេស ការរៀបចំយុទ្ធសាស្ត្រដណ្តើមមេដាយ (វិញ្ញាសា បទបញ្ជាការប្រកួត)។ គ្រប់គ្នាយល់ស្របថា លទ្ធផលពីស៊ីហ្គេមលើកទី៣១ នៅពុំទាន់ល្អគ្រប់គ្រាន់តាមអ្វីដែលសហព័ន្ធចង់បាននៅឡើយ»។ លោក អគ្គលេខាធិការប្រាប់ដូច្នេះ។
  

ជាមួយគ្នានេះ សហព័ន្ធ បានជំរុញឱ្យកីឡាករ កីឡាការិនី ប្រឹងប្រែងហ្វឹកហាត់ឱ្យកាន់តែខ្លាំងក្លាថែមទៀត ដើម្បីសម្រេចបានមេដាយ តាមផែនការគ្រោងទុក នាការប្រកួតស៊ីហ្គេមលើកទី៣២ ឆ្នាំ២០២៣ ដែលកម្ពុជា ធ្វើជាម្ចាស់ផ្ទះ។
 

គួរំឭកថា ស៊ីហ្គេមលើកទី៣១ កីឡាវ៉ូវីណាមសម្រេចបានមេដាយមាស៣ ប្រាក់២ និងសំរិទ្ធ៩ ក្នុងចំណោម ១៥វិញ្ញាសាដែលបានបញ្ជូនទទៅ៕