ក្នុងវិញ្ញាសាកីឡាហែលកង្កែប ៥០ម៉ែត្រ ប្រភេទSB7 មានអត្តពលិកចូលរួមប្រកួត៧រូប ក្នុងចំណោម៤ប្រទេសផ្សេងគ្នា។ សម្រាប់កម្ពុជាមានអត្តពលិក៣ រូបចូលរួមប្រកួត ដោយសម្រេចបានមេដាយប្រាក់១ លើវិញ្ញាសាហែលកង្កែប ៥០ម៉ែត្រ ប្រភេទSB7 ធ្វើបានដោយកីឡាករ ខូយ កុយ។

 

មេដាយមាស បានទៅលើម្ចាស់ផ្ទះឥណ្ឌូណេស៊ី កីឡាករ ARIS WIBAWA ដែលបញ្ចប់ក្នុងរយៈពេល ៤២ វិនាទី និង៥៦ សេកុង ។ ម្ចាស់មេដាយប្រាក់ កីឡាករ ខូយ កុយ បញ្ចប់ក្នុងរយៈពេល ៤៤ វិនាទី និង៣៦ សេកុង ។ចំណែកមេដាយសំរឹទ្ធធ្វើបានដោយកីឡាករវៀតណាម VAN CONG DANG ដែលបញ្ចប់ក្នុងរយៈពេល ៤៥វិនាទី និង១៦ សេកុង។

 

គួបញ្ជាក់ថា គិតត្រឹមព្រឹកថ្ងៃទី៥ ខែសីហា កម្ពុជារកបានមេដាយសរុប២៥ ក្នុងនោះមាស៦ ប្រាក់១០ និងសំរឹទ្ធ៩ ក្នុងព្រឹត្តិការណ៍កីឡាអាស៊ានប៉ារ៉ាហ្គេមលើកទី១១ នាទីក្រុងសូឡូ ប្រទេសឥណ្ឌូណេស៊ី៕