ជាតិ
សង្គមជាតិ
ក្រសួង លើកលែងការពិន័យលើអាជ្ញាបណ្ណមគ្គុទ្ទេសក៍ទេសចរណ៍ ហួសសុពលភាព ដល់ចុងឆ្នាំនេះ រូបភាពពីអាជ្ញាធរជាតិអប្សរា
× ក្រសួងទេសចរណ៍ សម្រេចលើកលែងការពិន័យប្រាក់ ចំពោះអជ្ញាបណ្ណមគ្គុទ្ទេសក៍ទេសចរណ៍គ្រប់កម្រិត ដែលហួសកម្រិត រហូតដល់ចុងឆ្នាំ២០២២។ នេះបើតាមសេចក្ដីជូនដំណឹងរបស់ក្រសួងទេសចរណ៍ នៅថ្ងៃទី១១ សីហា។
ដើម្បីលើកទឹកចិត្តអ្នកបម្រើសេវាកម្មទេសចរណ៍ ពិសេសមគ្គុទ្ទេសក៍ទេសចរណ៍ ក្រសួងបានសម្រេចផ្ដល់រយៈពេលអនុគ្រោះលើកលែងការពិន័យប្រាក់ចំពោះការហួសសុពលភាពអាជ្ញាបណ្ណមគ្គុទ្ទេសក៍ទេសចរណ៍គ្រប់កម្រិត ចាប់ពីពេលជូនដំណឹងនេះ រហូតដល់ថ្ងៃទី៣១ ខែធ្នូ ឆ្នាំ២០២២។
ក្រៅពីនេះ ក្រសួងក៏ផ្ដល់ការលើកលែងចំពោះការស្នើសុំលិខិតបញ្ជាក់សុខភាព ដោយជំនួសមកកាតបញ្ជាក់ការចាក់វ៉ាក់សាំងកូវីដ-១៩ សម្រាប់អាជីវកម្មសេវាកម្មមគ្គុទ្ទេសក៍ទេសចរណ៍ ចាប់ពីពេលជូនដំណឹងនេះ ដល់ថ្ងៃទី៣១ ខែធ្នូ ឆ្នាំ២០២៣។
ទន្ទឹមនឹងនេះ ក្រសួងក៏អំពាវនាវដល់មគ្គុទ្ទេសក៍ទេសចរណ៍ ដែលមានអាជ្ញាបណ្ណទេសចរណ៍ហួសសុពលភាព ត្រូវរួសរាន់មកដាក់ពាក្យស្នើសុំបន្តអាជ្ញាបណ្ណ នៅតាមមន្ទីរទេសចរណ៍រាជធានី-ខេត្តផងដែរ៕
Tag:
លើកលែងអាជ្ញាបណ្ណ
មគ្គុទ្ទេសក៍ទេសចរណ៍
© រក្សាសិទ្ធិដោយ thmeythmey.com