កីឡាអន្តរជាតិ
អន្តរជាតិ
ប៊ួខាវ ប៉ះជាមួយ Kota ដែលជាកូនប្រុសកីឡាករបាល់ទាត់ជប៉ុន Kazuyoshi Miura កីឡាករថៃ Buakaw(ឆ្វេង) និងកីឡាករជប៉ុន Kota(ស្តាំ) ក្នុងជំនួបថ្លឹងគីឡូ។_ រូបពី Jerry
× កីឡាករប្រដាល់ថៃ ប៊ួខាវ បែនឆាមេក (Buakaw Benchamek) បង្ហាញខ្លួននៅសង្វៀន Rajadamnern ជាលើកដំបូងក្នុងរយៈពេល១៨ឆ្នាំ។ សម្រាប់ជំនួបមិត្តភាពនារាត្រីនេះ ប៊ូខាវ ត្រូវប៉ះជាមួយកីឡាករជប៉ុន Kota Miura កូនប្រុសបង្កើតរបស់កីឡាករបាល់ទាត់ជប៉ុន Kazuyoshi Miura ដែលបន្តប្រឡូកក្នុងអាជីពក្នុងវ័យ៥៥ឆ្នាំ។
ប៊ួខាវ ធ្លាប់ឡើងប្រកួតចំនួន ២៧៦ដង ឈ្នះ២៤០ ចាញ់២៤ ស្មើ១២ ធ្លាប់ផ្តួលគូប្រកួតឲ្យសន្លប់នៅលើសង្វៀន ៧៣ដង ប្រកួតចុងក្រោយរបស់គេ ឈ្នះកីឡាករបេឡារុស Dizmitry Varats ដោយពិន្ទុនៅក្នុងកម្មវិធីសង្វៀនគុនខ្មែរជើងឯកពិភពលោក នៅព្រះរាជាណាចក្រកម្ពុជា។
កីឡាករ Buakaw (ឆ្វេងពាក់មួក) និងកីឡាករ Kota Miura (កណ្តាលថតជាមួយអ្នកគាំទ្រ) ពេលធ្វើបទសម្ភាស ក្រោយពេលថ្លឹងគីឡូ។ រូបពី the nation
ចំណែកម្ចាស់ខ្សែក្រវ៉ាត់ MMA, Kota Miura វិញ គេទើបឡើងវាយមួយប្រកួតប៉ុណ្ណោះ នៅលើសង្វៀនMMA ដោយបានយកឈ្នះលើកីឡាករជប៉ុន (YUSHI) ក្នុងកម្មវិធី Rizin Fighting Federation ដោយផ្តួលគូតស៊ូក្នុងទឹក១ លើសង្វៀន MMA។
យោងតាមការផ្សាយរបស់ The Nation កីឡាករប៊ួខាវ រីករាយជាមួយនឹងវត្តមានរបស់ខ្លួនឡើងវិញនៅសង្វៀន Rajadamnern ដែលធ្វើឲ្យគេនឹកដល់រឿងរ៉ាវដែលបានកន្លងផុតជិត២០ឆ្នាំ។
ជាមួយគ្នានេះ Kota បញ្ជាក់ថា ខ្លួនមិននឹកស្មានដល់នៅពេលដែលទទួលបានការទាក់ទងសម្រាប់ជំនួបតទល់ជាមួយ ប៊ួខាវ នៅកីឡដ្ឋាន Rajadamnern។ សម្រាប់កីឡាករជប៉ុនរូបនេះ វាជារឿងមួយដ៏រីករាយដែលមានឱកាសប្រកួតតទល់ជាមួយវីរបុរសប្រដាល់ថៃ ដូចជា ប៊ួខាវ៕
Tag:
ប្រដាល់
មិត្តភាពអន្តរជាតិ
© រក្សាសិទ្ធិដោយ thmeythmey.com