អតីត​មេបញ្ជា​ការកងរាជអាវុធ​ខេត្ត​ទាំង៦នាក់ រួមមាន លោក វ៉ា សារិទ្ធ (ពីត្បូងឃ្មុំ), លោក វ៉ាន់ ណាឡុង (ពី​ប៉ៃលិន), លោក ពុទ្ធ សារ៉ាន (ពីឧត្តរមានជ័យ), លោក ហង្ស ថុល (ពី​កំពង់ធំ), លោក ថុង ណារុង (ពីកោះកុង) និង​លោក ឡា ឡៃ (ពីតាកែវ) បាន​ឡើង​ឋានន្តរស័ក្តិផ្កាយពីរ​ដំណាល​គ្នា។

 

កាលពី​ថ្ងៃទី​១៩ ខែសីហា កន្លងមក មន្ត្រីទាំង​៦រូបនោះ ត្រូវបាន​សម្តេចឧបនាយករដ្ឋមន្ត្រី ទៀ បាញ់ រដ្ឋមន្ត្រី​ក្រសួងការពារជាតិ ផ្លាស់ប្តូរមុខ​តំណែង ឲ្យទៅជា​សមាជិក​ក្រុម​ការងារ​ស្រាវជ្រាវជំនាញយោធា ក្រុម​ស្រាវជ្រាវយុទ្ធ​យោធា​ថ្នាក់អគ្គ​បញ្ជាការដ្ឋាន។

 

ជាមួយគ្នានេះ  វរសេនីយ៍ឯក​៥រូប បានឡើង​ឋានន្ត​រស័ក្តិ​ឧត្តមសេនីយ៍ត្រី (ផ្កាយមួយ) បន្ទាប់​ពី​លោក​បាន​កាន់តំណែងជាមេបញ្ជាការ​កងរាជអាវុធហត្ថ​ខេត្ត ក្នុងនោះមាន លោក ចាប សុទ្ធាវុឌ្ឍន៍ មេបញ្ជាការប៉េអឹម​ខេត្តកំពត, លោក ហ៊ត សីហា មេបញ្ជាការ​ប៉េអឹម​ខេត្ត​កែប, លោក តាំង ឈុន​ស្រេង មេបញ្ជាការប៉េអឹម​ខេត្តកោះកុង, លោក រ័ត្ន ចាន់ណា មេបញ្ជាការប៉េអឹមខេត្តត្បូងឃ្មុំ, លោក លី ដារិទ្ធ មេបញ្ជាការប៉េអឹម​ខេត្តឧត្តរមានជ័យ។ ក្រៅពីនេះ មាន​លោក ជួន សុគន្ធា និង​លោក សំ សុវត្ថានា៕