មតិយោបល់ សំណូមពរ​ និងបញ្ហានានា ដែលប្រជាពលរដ្ឋបានស្នើទៅសម្ដេច ស ខេង សុំជួយអន្តរាគមន៍ និងដោះស្រាយនោះ មានចំនួន១០១ ករណី នៅក្នុងខែកក្កដា។ 

ក្នុងនោះក្រុមការងារសម្ដេច ស ខេង បានជួយដោះស្រាយ២៣ករណី។ ដោយឡែកក្រុមការងារសម្ដេច ស ខេង ក៏កំពុងត្រួតពិនិត្យ និងដោះស្រាយបញ្ហាពលរដ្ឋនៅសល់សេសសរុប២១៥ករណីទៀត។

 

ទន្ទឹមនឹងនោះ រដ្ឋមន្រី្តក្រសួងមហាផ្ទៃ ក៏បានលើកទឹកចិត្តឲ្យពលរដ្ឋដែលជួបប្រទះបញ្ហានោះ ដាក់សំណូមពរមកសម្ដេច តាមហ្វេសប៊ុកបែបនេះ ដើម្បីរួមគ្នាដោះស្រាយបញ្ហាទាំងនោះ ក្រៅប្រព័ន្ធតុលាការ។ បើតាមសម្ដេច ស ខេង ការធ្វើបែបនេះ គឺជាផ្នែកមួយជួយសម្រួលជីវភាពរស់នៅរបស់ពលរដ្ឋ និងរួមគ្នាអភិវឌ្ឍន៍សង្គមជាតិ។

 

សូមជម្រាបផងដែរថា គណនីដែលនៅសល់ក្នុងឆ្នាំ២០២១ ក្រុមការងារសម្ដេច នឹងដោះស្រាយបន្តទៀត ហើយក៏ស្នើសុំការយោគយល់ និងអធ្យាស្រ័យពីប្រជាពលរដ្ឋផងដែរ។ សំណុំរឿងក្នុងឆ្នាំ២០២១ មិនទាន់បានពិនិត្យ៦៥០គណនី, កំពុងពិនិត្យដោះស្រាយមាន៥២២គណនី និងបានដោះស្រាយរួម១២៨គណនី។ នេះបើតាមរបាយការណ៍ក្រុមការងារសម្ដេច ស ខេង ៕