ដោយ៖ ស៊ឹម ឆាន់(យុវជនឃុំកណ្តោល)
ស្រុកបូទុមសាគរ, កោះកុង៖ នាយកសាលាបឋមសិក្សាកណ្ដោល លោក យិន សុង បានរៀប រាប់ពីចំនួនសិស្សចាប់ពីឆ្នាំ២០២១ ដល់ឆ្នាំ២០២២ គឺសរុបមានចំនួន ១៥៥នាក់ ស្រី៦៤នាក់ និងប្រុស ៩១នាក់។ លោកបញ្ជាក់ថា កន្លងមកមានសិស្សបោះបង់ការសិក្សាតែមួយចំនួនតូចទេ ព្រោះពួកគេផ្លាស់ទីលំនៅតាមឪពុកម្ដាយដែលទៅធ្វើការនៅតាមបណ្ដាខេត្តឆ្ងាយៗ។
លោកគ្រូ យិន សុង បានបញ្ជាក់ថា ក្នុងឆ្នាំសិក្សា២០២១-២០២២កន្លងមកនេះ មិនមានសិស្សបោះបង់ ការសិក្សាទេ គឺមានតែសិស្សដែលរៀនខ្សោយ។ ដោយសារវិបត្តិវីដ-១៩ មានសិស្សប្រហែល ២០ភាគរយ ពួកគេរៀនតាមទូរស័ព្ទដៃ មិនដូចរៀននៅសាលាផ្ទាល់ពួកគេបានជួបជាមួយមិត្តភក្តិ និងលោកគ្រូអ្នកគ្រូ ដែលយកចិត្តទុកដាក់ ពួកគេទទួលបានចំណេះដឹងច្រើនដូចជាការអាន សរសេរ និងការទំនាក់ទំនងជាដើម។
នាយកសាលារូបនេះបន្តថា៖ «ក្រោយវិបត្តិកូវីដការសិក្សាសាលារបស់ខ្ញុំរៀនធម្មតា។ តែកន្លងមកសិស្សរៀ នអត់បានដិតដល់ទេ ព្រោះពួកគាត់អត់បានរៀនជាង ១ឆ្នាំ ដោយឱ្យពួកគាត់រៀននៅផ្ទះដ គ្រូដាក់កិច្ចការផ្ទះ ឱ្យពួកគាត់ធ្វើ ហើយលោកគ្រូអ្នកគ្រូចុះត្រួតពិនិត្យនៅផ្ទះសិស្សនីមួយៗ។ ពួកគាត់ថ្នាក់ទី១ យើងឱ្យសៀវភៅសិក្សាគោល និងឱ្យឪពុកម្ដាយរបស់គាត់ជួយបង្រៀន»។
ក្នុងសាលារៀនកណ្ដោល គឺលោកគ្រូអ្នកគ្រូ មានការបង្រៀនបន្ថែមសម្រាប់សិស្សដែលរៀនខ្សោយ និងមានបទពិសោធ៍បង្រៀនផ្សេងៗគ្នា។ លោក យិន សុង បានលើកឡើងបែបនេះ រួចបន្តថា ចំពោះការខកខានមករៀនរបស់សិស្សចំនួន ២ថ្ងៃ នោះលោកគ្រូអ្នកគ្រូ នឹងទូរស័ព្ទទៅណាព្យាបាល ដើម្បីសួរពីមូលហេតុដែលកូនរបស់គាត់អវត្តមាន ព្រមទាំងសួរមិត្តភក្តីរបស់ពួកគេដែលនៅផ្ទះជិតៗគ្នាផងដែរ។
លោកបន្តថា៖« ក្មេងឈប់ច្រើន គឺរៀនមិនទាន់គេទេ ហើយអ្នកដែលរៀនពូកែ ពួកគាត់មិនចង់ឈប់រៀនទេ ព្រោះបើគាត់ឈប់ពិន្ទុធ្លាក់ មិនបានចំណាប់ថ្នាក់ល្អ។ គ្រឹះដែលក្មេងរៀនពូកែ គឺថ្នាក់ទី១, ទី២, ទី៣ ដូចយើធ្វើផ្ទះអ៊ឹញ្ចឹង»។
ជាមួយគ្នានេះ លោក យិន សុង បានបន្ថែមបែបនេះ ដើម្បីជំរុញឱ្យសិស្សនុសិស្សឱ្យបានទៅរៀនជាប់លាប់ និងតាមដានកូនៗ នាយកសាលារូបនេះ បានប្រជុំជាមួយគណៈគ្រប់គ្រង និងមាតាបិតាសិស្សក្នុងមួយឆ្នាំ ចំនួន ៣ដង ទៅ៤ដងផងដែ៕
(វីដេអូនេះ គឺជាស្នាដៃរបស់ក្រុមយុវជន នឹងត្រូវបានរៀបរៀងឡើង ក្រោមជំនួយហិរញ្ញវត្ថុរបស់សហភាពអឺរ៉ុប និងទីភ្នាក់ងារសហប្រតិបត្តិការអភិវឌ្ឍអន្តរជាតិស៊ុយអ៊ែត តាមរយៈអង្គការតម្លាភាពកម្ពុជា និងអង្គការអាក់សិនអេតកម្ពុជា។ រាល់ខ្លឹមសារនៅក្នុង អត្ថបទនិងវីដេអូ នេះគឺជាការទទួលខុសត្រូវ របស់ស្មេរ/ផលិតករ ហើយមិនឆ្លុះបញ្ចាំងអំពីទស្សនៈ របស់សហភាពអឺរ៉ុប និងទីភ្នាក់ងារសហប្រតិបត្តិការអភិវឌ្ឍអន្តរជាតិស៊ុយអ៊ែតនោះទេ)