ដោយមិនចេះសម្របខ្លួនក្នុងការរស់នៅកន្លែងពិបាក ពិសេសខ្លួនមិនសូវយល់ពីធម៌អប់រំរបស់លោក ខឹម វាសនា ណារី សម្រេចសុំប្ដីចេញពីចម្ការនៅថ្ងៃទី២៦ ខែសីហា ដោយមិនបានយកសម្ភារខោអាវមកជាមួយទេ។ ការរស់នៅក្នុងជំរំ មានការលំបាកបនិ្ដច ពិសេសទាក់ទងនឹងការប្រើប្រាស់ទឹក ដ្បិតមានមនុស្សច្រើន។ 

 

តាមការរៀបរាប់របស់ណារី ការរស់នៅក្នុងជំរំនោះ គឺភាគច្រើនផ្តោតលើការស្ដាប់ធម៌ ដែលមានលោក ខឹម វាសនា ជាអ្នកនិយាយ តែនាងថា ធម៌ទាំងនោះនាងស្ដាប់មិនយល់ទេ។

 

រៀបការជាង២ឆ្នាំ ណារី សង្កេតឃើញថា ប្ដីបានតាមការអូសទាញរបស់លោក ខឹម វាសនា មួយរយៈហើយ តែនាងព្យាយាមអូសទាញប្ដីចេញពីជំនឿទាំងនោះដែរ តែប្ដីនាងនៅតែលង់ជឿដែល រហូតកុហកនាំនាងមកដល់ចម្ការ នាស្រុកបន្ទាយស្រីនេះ។ ដ្បិតប្ដីមិនបានចេញពីចម្ការតាមខ្លួន ក្នុងនាមជាភរិយា ណារី អះអាងថា មិនចោលប្ដីឡើយ ដោយរំពឹងថា អាចនាំគាត់ត្រឡប់ទៅផ្ទះវិញ ហើយគាត់អាចភ្ញាក់ខ្លួន វិលទៅធ្វើការធម្មតាវិញដើម្បីជីវភាពគ្រួសារ៕