ថ្ងៃនេះសារព័ត៌មានThmeyThmey នឹងចែករំលែកនូវចំណេះដឹងមួយចំនួន សម្រាប់អ្នកអានត្រៀមខ្លួនក្នុងពេលសម្ភាសធ្វើការងារ ដែលដកស្រង់ពី សៀវភៅបំណិនជីវិត «ការត្រៀមខ្លួនធ្វើការងារ » របស់អង្គការស៊ីប៉ា។ សំណួរទាំង៥ ខាងក្រោយនេះ ជាអ្វីដែលអ្នកគួរយល់ដឹង​នៅពេលសម្ភាស ៖

 

សំណួរនេះ គឺជាសំណួរសំខាន់់ដំបូងគេ ដែលតែងនិយមសួរក្នុងពេលសម្ភាស។ គេចង់ដឹងថា តើអ្នកអាចជួយការងារ និងផ្ដល់ប្រយោជន៍អ្វីខ្លះដល់ក្រុមហ៊ុន។ ដូច្នេះ អ្នកគួររៀបរាប់ជំនាញ សមត្ថភាព ភាពខ្លាំង និងបទពិសោធន៍ដែលទាក់ទងទៅនឹងការងារ ដែលកំពុងសម្ភាស។ ពេលអ្នកឆ្លើយសំណួរនេះយ៉ាងយូរ លើសពី២ទៅ៣នាទី។

 

គន្លឹះនៃការឆ្លើយសំណួរនេះ គឺត្រូវនិយាយសរសើរក្រុមហ៊ុនឱ្យបានច្រើន តែយកល្អអ្នកគួរធ្វើការស្រាវជ្រាវអំពីគោលការណ៍ ឬគោលនយោបាយ បេសកកម្មរបស់ក្រុមហ៊ុនឱ្យបានច្បាស់ជាមុនសិន។ អ្នកអាចឆ្លើយថា «ខ្ញុំសម្រេចចិត្តដាក់ពាក្យ ព្រោះខ្ញុំពេញចិត្តនឹងគោលការណ៍ ឬគោលនយោបាយក្រុមហ៊ុនរបស់លោក ។ តាមរយៈ ការងារនេះ ខ្ញុំជឿជាក់យ៉ាងមុតមាំថា ខ្ញុំនឹងអាចមានឱកាសបញ្ចេញសមត្ថភាពរបស់ខ្ញុំ ហើយខ្ញុំនឹងអាចជួយក្រុមហ៊ុនរបស់លោកឱ្យរីកចម្រើនបាន»។

 

ករណីនេះអ្នកគួរត្រៀមចម្លើយណា ដែលនិយាយតែចំណុចវិជ្ជមានប៉ុណ្ណេះ ដូចជាអ្នកចង់ផ្លាស់ប្ដូទិសដៅអាជីពការងារថ្មីមួយ អ្នកត្រូវជៀសវាងការនិយាយអាក្រក់ពីការងារចាស់របស់អ្នក។ ទោះបីជាអ្នកចង់ផ្លាស់ប្ដូរការងារ ឬត្រូវគេបញ្ឃប់ ឬគេកាត់បន្ថយបុគ្គលិក អ្នកគួរតែរក្សាចម្លើយវិជ្ជមានដូចជា «ក្រុមហ៊ុនបានផ្លាស់ប្ដូរទិសដៅថ្មី ដែលធ្វើឱ្យផ្នែកដែលខ្ញុំកំពុងបម្រើការងារត្រូវបិទជាដើម»។

 

ក្នុងនោះដែរ ចំពោះចំណុចខ្លាំង អ្នកអាចរើសយកជំនាញ ចំណេះដឹង ឬរបៀបធ្វើការងារ ដែលអ្នកគិតថា នឹងមានប្រយោជន៍ចំពោះមុខតំណែងថ្មីរបស់អ្នកមកនិយាយ ២ទៅ៣ចំណុច។ ចំណែកចំណុចខ្សោយវិញ អ្នកមិនគួរនិយាយអំពីគុណវិបត្តិអ្នកតែម្យ៉ាងនោះទេ។ អ្នកគួរតែរើសយកចំណុចខ្សោយមួយ ដែលមិនសូវពាក់ព័ន្ធនឹងការងារថ្មី ហើយប្រាប់នូវវិធី ដែលអ្នកអាចដោះស្រាយបញ្ហនោះបាន។

ត្រង់ចំណុចនេះ អ្នកមិនគួរឆ្លើយថា «ទេ! ខ្ញុំគិតថា លោកបានប្រាប់ខ្ញុំលម្អិតរាល់អ្វីដែលខ្ញុំចង់ដឹងរួចទៅហើយ។ ខ្ញុំប្រាកដជាមានសំណួរជាច្រើនដែលត្រូវសួរ បើខ្ញុំបានទទួលការងារនេះ»ឬ « តើក្រុមហ៊ុនលោកមានរង្វាន់លើកទឹកចិត្តដែរឬទេ?»។ ផ្ទុយទៅវិញ អ្នកគួរតែសួរសំណួរ ដែលបង្ហាញថា អ្នកចាប់អារម្មណ៍យ៉ាងខ្លាំង។ អ្នកអាចសួរថា៖

«ខ្ញុំមានសំណួរខ្លះៗ។ បើតាមការសួររបស់លោកក្នុងពេលសម្ភាស ដូចជាលោកកំពុងតែមានបញ្ហា។ តើលោកអាចប្រាប់បន្ថែមខ្លះៗ អំពីស្ថានភាពបច្ចុប្បន្នដែរឬទេ? តើមានការជួបលំបាកអ្វីខ្លះ ដែលនិយោជិកថ្មីនឹងជួបប្រទះ?»។

បើអ្នកមិនសួរបន្ថែមនោះទេ អ្នកនឹងបាត់បង់ឱកាសក្នុងការប្រមូលព័ត៌មាននានា ដែលជាកត្តាការសម្រេចចិត្តថា តើកន្លែងនោះស័ក្តិសមនឹងអ្នកដែរឬទេ? ព្រោះការងារអាចរីកចម្រើនបាន លុះត្រាតែងអ្នកពេញចិត្តការងារ និងកន្លែងធ្វើការរបស់អ្នកជាមុនសិន៕