កោះកុង៖ ជាមេឃុំថ្មី លោក ហ៊ុយ សំណាង នឹងបន្តពន្លឿនការផ្តល់សេវារដ្ឋបាល និងការកសាងហេដ្ឋារចនាសម្ព័ន្ធនានា

ជាតិ

យុវជនសកម្ម សេវាល្អ

វីដេអូ

កោះកុង៖ ជាមេឃុំថ្មី លោក ហ៊ុយ សំណាង នឹងបន្តពន្លឿនការផ្តល់សេវារដ្ឋបាល និងការកសាងហេដ្ឋារចនាសម្ព័ន្ធនានា

24, Sep 2022 , 4:59 pm

រូបភាព

ដោយ៖ ហេ អួញ

បូទុមសាគរ, កោះកុង៖ លោក ហ៊ុយ សំណាង គឺជាមេឃុំកណ្តោល ស្ថិតក្នុងស្រុកបូទុមសាគរ ខេត្តកោះកុង។ លោកទើបជាប់ជាមេឃុំនៅក្នុងអាណត្តិនេះ និងទើបចូលកាន់តួនាទីថ្មី បានប្រមាណ៣ខែប៉ុណ្ណោះ។ អាណត្តិមុន លោក សំណាង គឺជាជំទប់ឃុំ។ សម្រាប់លោក ហ៊ុយ សំណាង ការងារជាមេឃុំ មិនងាយស្រួលប៉ុន្មានឡើយ ប៉ុន្តែ លោកអះអាងថា មិននឿយហត់នោះឡើយ ព្រោះលោកបានដាក់ចិត្តដាក់កាយ និងស្រឡាញ់ការងារជាអ្នកបម្រើប្រជាពលរដ្ឋ។ «ចំពោះខ្ញុំ អត់មានហត់នឿយ អត់មានត្អូញត្អែរទេ។ ការងារដែលថា ត្រូវធ្វើ! រួមគ្នាធ្វើ (ក៏)ធ្វើ! បើថាការងារធ្វើខ្លួនឯង ក៏យើងធ្វើ។ អត់មានត្អូញត្អែរទេ ធ្វើម៉េចបើយើងដាក់ខ្លួនជាអ្នកបម្រើសេវារដ្ឋបាលជូនប្រជាពលរដ្ឋហើយ។ បើសិនជាយើងមិនធ្វើទេ យើងកុំឈរឈ្មោះ»។ នេះជាការបញ្ជាក់របស់លោក ហ៊ុយ សំណាង ដោយលោកបន្តថា ក្នុងអាណត្តិរបស់ខ្លួន លោកនឹងបន្តពន្លឿនការផ្តល់សេវារដ្ឋបាលដល់ប្រជាពលរដ្ឋ និងជាពិសេសជំរុញការងារកសាងហេដ្ឋានរចនាសម្ព័ន្ធនានានៅក្នុងឃុំកណ្តោល។