តាមសេចក្ដីប្រកាសព័ត៌មានរបស់ គ.ជ.ប នៅថ្ងៃទី៣០ ខែកញ្ញា ពលរដ្ឋជាង១០ម៉ឺននាក់ នឹងត្រូវលុបចេញពីបញ្ជីបោះឆ្នោតជ្រើសរើសតំណាងរាស្រ្តឆ្នាំ២០២២។ ទន្ទឹមនឹងនេះ គ.ជ.ប បានសន្និដ្ឋានថានឹងមានពលរដ្ឋថ្មីជាង៤០ម៉ឺននាក់ មកចុះឈ្មោះបោះឆ្នោតផងដែរ។ 
 

ក្នុងសេចក្ដីប្រកាសព័ត៌មានដដែល គ.ជ.ប បានចែកលិខិតអញ្ជើញដល់ពលរដ្ឋឱ្យចុះឈ្មោះបោះឆ្នោតបានជាង៤លាននាក់ នៅតាមភូមិ ឃុំ សង្កាត់នានា ហើយនឹងបន្តរហូតដល់ថ្ងៃទី១៩ ខែតុលា ឆ្នាំ២០២២។ ចំណែកឯ ការិយាល័យបោះឆ្នោតថ្នាក់ជាតិ នឹងរៀបចំជាង២ម៉ឺនការិយាល័យ។
 

សូមជម្រាបថា ការបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៥ កាលពីថ្ងៃទី៥ ខែមិថុនា ពលរដ្ឋជាង ៧លាននាក់ ស្មើ ៨០,១៩ភាគរយ នៃអ្នកចុះឈ្មោះបោះឆ្នោតជាង៩,២លាន បានទៅចូលរួមបោះឆ្នោត។ សម្រាប់ការបោះឆ្នោតជ្រើសរើសតំណាងរាស្ត្រអាណត្តិទី៧ ឆ្នាំ២០២៣ខាងមុខ គ.ជ.ប ត្រៀមចំណាយប្រាក់លើសពី៥០លានដុល្លារផងដែរ៕