ពីនេះ ពីនោះ
ព័ត៍មានសុខភាព
សុខភាព
×![]()
ដោយ: សារព័ត៌មានថ្មីៗ
កត្តាដែលនាំឱ្យកើតមាន ជំងឺក្រិនរឹងសរសៃឈាមអាកទែ មានច្រើនខ្លាំងណាស់។ ដូច្នេះ តើវាមានអ្វីខ្លះទៅ?
អាយុ
បុរសអាយុចាប់ពី ៤៥ ឆ្នាំឡើងទៅ និងស្ត្រីអាយុចាប់ពី ៥៥ ឆ្នាំឡើងទៅ ទំនងជាងាយនឹងមាន ជំងឺគាំងបេះដូងច្រើនជាងបុរស និងស្ត្រីវ័យក្មេងៗ។
បារី
ការជក់បារី និងការស្រូបផ្សែងបារីពីគេ អាចធ្វើឱ្យប្រឈមមុខនឹង ជំងឺគាំងបេះដូង កាន់តែខ្លាំងបាន។
លើសសម្ពាធឈាម
រយៈពេលយូរៗទៅ ការលើសសម្ពាធឈាម អាចទៅបំផ្លាញសរសៃឈាមអាកទែ ដែលទៅចិញ្ចឹមបេះដូងបាន តាមរយៈជំងឺក្រិនរឹងសរសៃឈាមអាកទែ។ សម្ពាធឈាមឡើងខ្ពស់ ដែលកើតលើមនុស្សធាត់ជ្រុល អ្នកជក់បារី អ្នកមានកូឡេស្តេរ៉ុលក្នុងឈាមខ្ពស់ ឬជំងឺទឹកនោមផ្អែមនោះ សុទ្ធតែប្រឈមមុខខ្លាំងជាងគេហើយ។
កូឡេស្តេរ៉ុល ឬខ្លាញ់ Triglyceride ក្នុងឈាមឡើងខ្ពស់
កូឡេស្តេរ៉ុលអាក្រក់ឡើងខ្ពស់ ទំនងជាងាយនាំឱ្យសរសៃឈាមអាកទែ រួមតូចណាស់។ កម្រិតដ៏ខ្ពស់របស់ខ្លាញ់ Triglyceride ដែលទាក់ទងនឹងចំណីអាហារនោះ ក៏ប្រឈមនឹងជំងឺគាំងបេះដូងខ្ពស់ដែរ។ ទោះបីជាយ៉ាងនេះក្តី ការឡើងខ្ពស់នៃកូឡេស្តេរ៉ុលល្អ ប្រហែលជាបន្ថយការប្រឈមមុខ នឹងជំងឺគាំងបេះដូងបាន។
ជំងឺទឹកនោមផ្អែម
អាំងស៊ុយលីន ដែលជាអ័រម៉ូនបញ្ចេញពីលំពែង គឺជាអ្នកជួយឱ្យរាងកាយ អាចប្រើប្រាស់គ្លុយកូសបាន។ ការមានជំងឺទឹកនោមផ្អែម នឹងធ្វើឱ្យកម្រិតជាតិស្ករក្នុងឈាមកើនឡើង ហើយក៏ប្រឈមមុខនឹង ជំងឺគាំងបេះដូងដែរ។
គ្រួសារធ្លាប់មានប្រវត្តិ កើតជំងឺគាំងបេះដូង
បើសិនជាបងប្អូន ឪពុកម្តាយ ឬជីដូនជីតា ទើបតែមានជំងឺគាំងបេះដូងហើយ អ្នកប្រហែលជាប្រឈមនឹង ជំងឺនេះដូចគ្នាដែរ។
កង្វះលំហាត់ប្រាណ
របៀបរស់នៅដោយអសកម្ម នឹងនាំមកនូវកម្រិតកូឡេស្តេរ៉ុល ក្នុងឈាមឡើងខ្ពស់ និងធាត់ជ្រុល។ អ្នកដែលហាត់ប្រាណបែបអ៊ែរ៉ូប៊ិកទៀងទាត់ នឹងមានសុខភាពបេះដូង និងសរសៃឈាមល្អ ដូច្នេះ វានឹងបន្ថយការប្រឈមនឹង ជំងឺគាំងបេះដូងបានទាំងស្រុង។ ការហាត់ប្រាណ ក៏មានប្រយោជន៍ ក្នុងការបន្ថយសម្ពាធឈាមដែរ។
ស្ត្រេស
អ្នកប្រហែលជាឆ្លើយតបនឹង បញ្ហាស្ត្រេសក្នុងស្ថានភាពច្រើនយ៉ាង ហើយក៏អាចប្រឈមនឹង ការគាំងបេះដូង កាន់តែច្រើនណាស់ដែរ៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
1 សប្តាហ៍
