ស្រុកក្រគរ, ខេត្តពោធិ៍សាត់៖ នាយកអនុវិទ្យាល័យកោះរំដួល នៅឃុំអន្សាចំបក់ ស្រុកក្រគរ ខេត្តពោធិ៍សាត់ ព្រួយបារម្ភសិស្សប្រើប្រាស់បារីអេឡិចត្រូនិក តាមការអូសទាញសង្គម ព្រោះកន្លងទៅ ធ្លាប់មានសិស្ស ឬសហគមន៍ខាងក្រៅចូលមកប្រើប្រាស់គ្រឿងញៀន និងកៀរគរសិស្សសាលាខ្លួន។

 

នាយកអនុវិទ្យាល័យកោះរំដួល លោកស្រី កែវ ប៉ូច បានបង្ហាញក្ដីកង្វល់បារីអេឡិចត្រូនិក អាចប៉ះពាល់ដល់ការសិក្សារបស់សិស្សក្នុងអនុវិទ្យាល័យខ្លួន និងបង្កផលប៉ះពាល់ខ្លាំងដល់សុខភាពសិស្សទៀតផង។

 

លោកស្រី កែវ ប៉ូច ចាត់ទុកបារីអេឡិចត្រូនិក គឺជាគ្រឿងញៀន ដែលកំពុងដុតបំផ្លាញដល់ចំណេះដឹង និងថវិការបស់សិស្សានុសិស្ស។ មិនតែប៉ុណ្ណោះ បារីប្រភេទថ្មីនេះ ក៏អាចនាំឱ្យកើតមានក្មេងទំនើង បង្កអសន្តិសុខសង្គមផងដែរ។ ចំពោះមុខ នាយកអនុវិទ្យាល័យរូបនេះ ប្ដេជ្ញាលុបបំបាត់បារីអេឡិចត្រូនិក តាមរយៈការណែនាំទាំងក្នុងបន្ទប់សិស្ស និងដងទង់ជាតិ។ បន្ថែមពីនេះ ថ្នាក់ដឹកនាំសាលា បានអញ្ជីញសមត្ថិកិច្ចជួយផ្សព្វផ្សាយ និងចាត់វិធានការអប់រំបន្ទាន់ ក្នុងករណីមានសិស្សលួចប្រើប្រាស់បារីអេឡិចត្រូនិក៕ 

 

 

 

អានអត្ថបទពាក់ព័ន្ធផ្សេងទៀត៖ យុវជនសកម្ម សេវាល្អ 

(អត្ថបទនេះគឺជាស្នាដៃរបស់ក្រុមយុវជន និងត្រូវបានរៀបរៀងឡើងក្រោមជំនួយហិរញ្ញវត្ថុរបស់សហភាពអឺរ៉ុបនិងទីភ្នាក់ងារសហប្រតិបត្តិការអភិវឌ្ឍអន្តរជាតិស៊ុយអ៊ែតតាមរយៈអង្គការតម្លាភាពកម្ពុជា និងអង្គការអាក់សិនអេតកម្ពុជា។រាល់ខ្លឹមសារនៅក្នុងអត្ថបទ និងវីដេអូនេះ គឺជាការទទួលខុសត្រូវរបស់ស្មេរ ឬផលិតករហើយមិនឆ្លុះបញ្ចាំងអំពីទស្សនៈរបស់សហភាពអឺរ៉ុប និងទីភ្នាក់ងារសហប្រតិបត្តិការអភិវឌ្ឍអន្តរជាតិស៊ុយអ៊ែតនោះទេ)