«សម្ដេច បានមានប្រសាសន៍ថា រាល់ជោគជ័យរបស់កម្ពុជា និងការអភិវឌ្ឍរបស់កម្ពុជា មិនអាចកាត់ផ្ដាច់ជំនួយរបស់ប្រទេសអាល្លឺម៉ង់ទេ ជាពិសេស ថ្មីៗនេះ ជំនួយរបស់អាល្លឺម៉ង់ បានជួយកម្ពុជាយើង ក្នុងការទប់ស្កាត់ការរីករាលដាលនៃជំងឺកូវីដ-១៩»។ នេះជាសំណេរលើទំព័រហ្វេសប៊ុករបស់សម្តេចនាយករដ្ឋមន្រ្តី។ 

 

លោក ស្តេហ្វាន បានអបអរសាទរប្រមុខរដ្ឋាភិបាលកម្ពុជា ដែលបានដឹកនាំកម្ពុជា ឲ្យមានការអភិវឌ្ឍយ៉ាងឆាប់រហ័ស។ លោក អះអាងថា អាល្លឺម៉ង់ មានសេចក្ដីរីករាយ ដែលបានចូលរួមជួយកម្ពុជា ក្នុងដំណើរឆ្ពោះទៅទទួលបានជោគជ័យរបស់កម្ពុជា។ លោក ជម្រាបមេដឹកនាំកម្ពុជាថា ក្នុងបេសកកម្មការទូតនេះ លោក នឹងប្រឹងប្រែងឲ្យអស់ពីសមត្ថភាព ដើម្បីជំរុញទំនាក់ទំនងប្រទេសទាំងពីរ ជាពិសេសជំរុញឲ្យមានវិនិយោគកាន់តែខ្លាំងឡើងមកកាន់កម្ពុជា៕