លោក ឌិត ទីណា រដ្ឋលេខាធិការ និងជាអ្នកនាំពាក្យក្រសួងរ៉ែ និងថាមពល ជាបេក្ខភាពរដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ ជំនួសលោក វេង សាខុន ដែលត្រូវបានដកចេញតួនាទី កាលពីថ្ងៃទី៨ តុលា។
 

សំណើពីសម្ដេចនាយករដ្ឋមន្រ្តី ហ៊ុន សែន ដែលដាក់លោក ឌិត ទីណា ជាបេក្ខភាពរដ្ឋមន្ត្រីកសិកម្មនេះ បានទៅដល់ដៃរដ្ឋសភាហើយ។ គណៈកម្មាធិការអចិន្ត្រៃយ៍រដ្ឋសភា នឹងបើកកិច្ចប្រជុំពិនិត្យ និងបោះឆ្នោតផ្ដល់សេចក្តីទុកចិត្តលើលោក ឌិត ទីណា នាថ្ងៃទី១៣ តុលា។