អគារតាំងបង្ហាញរថយន្ត និងមជ្ឈមណ្ឌលជួសជុលរថយន្ត Ford សាខាខេត្តកំពង់ចាម ត្រូវបានបំពាក់ដោយឧបករណ៍ និងគ្រឿងបរិក្ខាទំនើបៗចុងក្រោយ​ ហើយជាងជួសជុលរថយន្ត Ford ទាំងអស់ សុទ្ធសឹងតែត្រូវបានទទួលការបណ្តុះបណ្តាលវិជ្ជាជីវៈច្បាស់លាស់ពីសំណាក់រោងចក្រផ្ទាល់ ព្រមទាំងមានបទពិសោធន៌យូរឆ្នាំដើម្បីបម្រើអតិថិជនប្រកបដោយទំនុកចិត្ត។ អគារតាំងបង្ហាញរថយន្ត Ford សាខាខេត្តកំពង់ចាមនេះ ក៏មាន​ដាក់តាំងបង្ហាញនូវរថយន្ត Ford ស៊េរីឆ្នាំ2023គ្រប់ម៉ូឌែលទាំងអស់ ដែលសុទ្ធសឹងជារថយន្តដែលទទួលបានផ្លាស់ផ្តូររូបរាងថ្មីទាំងស្រុង ព្រមទាំងបំពាក់ដោយប្រព័ន្ធសុវត្ថិភាព និងបច្ចេកវិទ្យាទំនើបៗចុងក្រោយ ដើម្បីសម្រួលដល់ការបើកបររបស់អតិថិជន។ 

 

លោក ងន សាំង អគ្គនាយកនៃក្រុមហ៊ុន អ អិម អេ (ខេមបូឌា)  បានមានប្រសាសន៍ថា៖ “ការពង្រើកសាខាអគារតាំងបង្ហាញរថយន្ត និងមជ្ឈមណ្ឌលជួសជុលរថយន្ត Ford មកកាន់ខេត្តកំពង់ចាមនេះ គឺដើម្បីធើ្វការបង្ខិតសេវាកម្ម និងផលិតផលឱ្យកៀកជាមួយនឹងអតិថិជន ជាពិសេសគឺអតិថិជនដែលនៅតាមបណ្តាខេត្តនានាជុំវិញខេត្តកំពង់ចាមនេះផ្ទាល់តែម្តង។ បើគិតមកដល់ពេលនេះ យើងបានពង្រីកសាខាចំនួន៣ខេត្តរួចមកហើយគឺ ខេត្តសៀមរាប ខេត្តកំពង់ស្ពឺ និងខេត្តកំពង់ចាម ហើយទិសដៅបន្ទាប់សម្រាប់ឆ្នាំក្រោយ យើងនឹងបន្តពង្រើកដល់បណ្តាខេត្តផ្សេងៗមួយចំនួនទៀត ដូចជាខេត្តបាត់ដំបង​ និងខេត្តព្រះសីហនុជាដើម”។

 

លោក អ៊ុន ចាន់ដា អភិបាលនៃគណៈអភិបាលខេត្តកំពង់ចាម បានមានប្រសាសន៍ថា៖ “នេះគឺជាមោទកភាពរបស់ខេត្តដែលក្រុមហ៊ុនFord បានសម្រេចចិត្តពង្រើកសាខារបស់ខ្លួនមកដល់ទឹកដីខេត្តកំពង់ចាមយើងនេះ ហើយនេះក៏ជាការផ្តល់នូវទំនុកចិត្តបន្ថែមទៀតដល់អតិថិជនដែលប្រើប្រាស់រថយន្តFord ព្រោះអ្នកប្រើប្រាស់រថយន្តFord មួយចំនួនធំតែងតែមានការព្រួយបារម្ភក្នុងការរកគ្រឿងបន្លាស់ ហើយចាំបាច់ត្រូវតែធ្វើដំណើរទៅភ្នំពេញ ។ តែឥឡូវនេះ គឺមិនចាំបាច់ធ្វើដំណើរទៅដល់ភ្នំពេញទៀតនោះទេ។ ដូច្នេះខ្ញុំសូមលើកទឹកចិត្តដល់ថ្នាក់ដឹកនាំ មន្រ្តីរាជការ និងប្រជាពលរដ្ឋដែលមានធនធាន និងមានបំណងក្នុងការប្រើប្រាស់រថយន្តដែលមានគុណភាព ធន់រឹងមាំ និងប្រើប្រាស់បានយូរ សូមមកពិនិត្យមើលរថយន្តFord និងធ្វើការសម្រេចចិត្តជ្រើសរើសដោយមិនចាំបាច់មានការស្ទាក់ស្ទើរនោះទេ”។

 

អគារតាំងបង្ហាញរថយន្ត និងមជ្ឈមណ្ឌលជួសជុលរថយន្ត Ford សាខាខេត្តកំពង់ចាម មានអាស័យដ្ឋានស្ថិតនៅតាមបណ្តោយផ្លូវជាតិលេខ៧ អាគារលេខ៩៤០ ភូមិបឹងស្នាយ សង្កាត់សំបួរមាស ខេត្តកំពង់ចាម។ សម្រាប់ព័ត៌មានបន្ថែម ឬកក់សេវាកម្មជួសជុលរថយន្ត សូមទំនាក់ទំនងតាមលេខទួរស័ព្ទ 078 999 883 ឬ 088 3 999 883 ៕

 

អត្ថបទពាណិជ្ជកម្ម