យោងតាមការព្យាករស្ថានភាពអាកាសធាតុ របស់ក្រសួងធនធានទឹក និងឧតុនិយម ខាងលើនេះ ចាប់ពីថ្ងៃទី១៩ ដល់ថ្ងៃទី២១ ខែតុលា នៅតំបន់ទំនាបកណ្ដាល និងតំបន់ខ្ពង់រាប ស្ទើរតែគ្មានភ្លៀងធ្លាក់ ឬភ្លៀងធ្លាក់តិចតួច។ ឯតំបន់មាត់សមុទ្រអាចនឹងមានកម្រិតភ្លៀងធ្លាក់ពីកម្រិតតិចទៅមធ្យម។ 
 

តាមការព្យាករដដែល ចាប់ពីថ្ងៃទី២២ ដល់ថ្ងៃទី២៥ ខែតុលា បណ្ដារាជធានី-ខេត្ត នៅតំបន់ទំនាបកណ្ដាល នៅភាគខាងក្រោម និងខាងជើងជាប់ប្រទេសវៀតណាម នឹងមានភ្លៀងក្នុងកម្រិតពីតិចទៅបង្គួរលាយឡំដោយផ្គរ រន្ទះ និង ខ្យល់កន្ត្រាក់។ រីឯតំបន់ខ្ពង់រាប នឹងអាចមានភ្លៀងធ្លាក់ក្នុងកម្រិតពីតិចទៅមធ្យម លាយឡំទៅដោយផ្គរ រន្ទះ និងខ្យល់កន្ត្រាក់ ខណៈតំបន់មាត់សមុទ្រអាចនឹងមានកម្រិតភ្លៀងធ្លាក់ពីកម្រិតតិចទៅមធ្យម៕