ជាតិ
ពីនេះ ពីនោះ
ព័ត៍មានសុខភាព
សុខភាព
×![]()
ដោយ: សារព័ត៌មានថ្មីៗ
ដោយសារតែត្រប់វែងមានសភាពរឹង ដូច្នេះវាអាចងាយនឹងប្រើសម្រាប់ធ្វើជាម្ហូបបានយ៉ាងល្អដូចជា ចៀន អាំង ស្ងោរ ដុត និងធ្វើជ្រក់ទៀតផង។ ចំពោះមូលហេតុដែល អ្នកគួរតែញ៉ាំត្រប់វែងនោះគឺមានច្រើនណាស់ ប៉ុន្តែខ្ញុំសូមបង្ហាញអំពីអត្ថប្រយោជន៍ចំពោះសុខភាព ៣យ៉ាងដែលត្រប់វែង ផ្តល់ឱ្យ។
បន្ថយភាពចាស់របស់ស្បែក
ក្នុងត្រប់វែងមានសូលុយស្យុងប្រឆាំងនឹងភាពចាស់ច្រើនណាស់ ហើយអ្វីដែលជារឿងសាមញ្ញបំផុតនោះគឺការញ៉ាំត្រប់វែងនោះតែម្តង។ ត្រប់វែង ២៣៦ក្រាមមានវីតាមីន E ០,៤មីលីក្រាម ដែលវាជាអង់ទីអុកស៊ីដង់ដ៏ខ្លាំងក្លាមួយដែលអាចជួយថែរក្សាកោសិកាឱ្យមានសុខភាពល្អ និងពន្យារភាពចាស់របស់ស្បែកបានទៀត។
ជំនួយដល់សុខភាពខួរក្បាល
សារធាតុ Folate ក្នុងត្រប់វែងត្រូវបានគេស្គាល់ថា ជួយថែរក្សាខួរក្បាលឱ្យនៅល្អ និងសុខភាពល្អ។ យោងទៅតាមការសិក្សាបានឱ្យដឹងថា ជីវជាតិមួយនេះមានប្រយោជន៍ណាស់សម្រាប់ខួរក្បាល ព្រោះវាជួយបន្ថយឥទ្ធិពលនៃភាពចាស់របស់សរសៃប្រសាទ។ ការញ៉ាំត្រប់វែងក៏ល្អចំពោះស្ត្រីមានផ្ទៃពោះ និងការលូតលាស់របស់ទារកក្នុងផ្ទៃដែរ សារធាតុ Folate ជួយបង្កើតទាំងខួរក្បាល និងខួរឆ្អឹងខ្នងបានយ៉ាងត្រឹមត្រូវសម្រាប់ទារកក្នុងផ្ទៃពោះ។
ជួយបញ្ចុះកូឡេស្តេរ៉ុល
ត្រប់វែងផ្ទុកទៅដោយជាតិសរសៃច្រើន ហើយ ជាតិសរសៃនេះដែរក៏អាចបញ្ចុះកូឡេស្តេរ៉ុលអាក្រក់ក្នុងឈាម ដើម្បីបង្ការការបឺតស្រូបជាតិខ្លាញ់ក្នុងរបបអាហារដែរ។ ត្រប់វែងក៏មានសារធាតុ Niacin ឬ Vitamin B3 ដែលជាជីវជាតិជួយបង្កើនចំនួនកូឡេស្តេរ៉ុលល្អទៀត៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com
