ប្រភពដដែល បានសន្និដ្ឋានថា ត្រីនាគ ដែលងាប់នៅកសិន្ធុខាងជើងអង្គរនេះ ទំនងជាត្រីចិញ្ចឹមរបស់ពលរដ្ឋ ឬម្ចាស់អាជីវកម្មទេសចរណ៍ណាមួយក្នុងខេត្តសៀមរាប។ ប៉ុន្តែដោយសារជំងឺរាលត្បាតកូវីដ-១៩ ធ្វើឱ្យប៉ះពាល់ដល់អាជីវកម្មរបស់ពួកគេ ដែលគ្មានលទ្ធភាពចិញ្ចឹម ទើបគេយកទៅលែងក្នុងកសិន្ធុអង្គរតែម្ដង។​ យ៉ាងណា លោក បញ្ជាក់ថា ត្រីនាគនេះ ដល់អាយុកាលដែលត្រូវងាប់ហើយ។ 
 

លោក ប្រាប់ដូច្នេះថា៖ «​ត្រីនេះ ងាប់២ថ្ងៃហើយ ដោយគេទើបតែស្រង់ចេញពីទឹកល្ងាចមិញហ្នឹង ដើម្បីយកទៅកប់។ ត្រីនេះ មិនមែនត្រីធម្មជាតិ ស្រុកខ្មែរយើងទេ។ ត្រីហ្នឹង ប្រហែលជាគេចិញ្ចឹមក្នុងតំបន់អង្គរហ្នឹងឯង។ ក្នុងខេត្តសៀមរាបហ្នឹង​ មានសណ្ឋាគារ ហាង ឬភោជនីយដ្ឋាន អ៊ីចឹងទៅ។ ដល់ពេល កូវីដ គេបិទហាងទៅ គាត់អត់លទ្ធភាពយកទៅចិញ្ចឹម ដោយសារត្រីនេះវាត្រីការស៊ីត្រី ឬសាច់។ អ៊ីចឹង គេអាចយកទៅលែង»៕