រាហ៊ូមាស ឈុត សិរីវ៉ាន់ថង មុននឹងឡើងមកដល់វគ្គពាក់កណ្តាលផ្តាច់ព្រ័ត្រនេះគេបានវាយឱ្យកីឡាករ សៀវ ង៉ុយ បោះបង់ការប្រកួតត្រឹមទឹកទី១។ ចំណែក សូត្រ វាសនា បក្សាស្លាបដែក មុននឹងឈានមកដល់វគ្គនេះប្រកួតចុងក្រោយរបស់គេវាយរន្ទះជើងដំរីជាន់ខ្លា គង់ ហូវ ឱ្យបោះបង់ការប្រកួតក្នុងទឹកទី២។ ប្រកួតចុងក្រោយរវាងអ្នកទាំងពីរ សិរីវ៉ាន់ថង ឈ្នះពិន្ទុ វាសនា។

 

រីឯកីឡាករនាគមាសខេត្តបន្ទាយមានជ័យ ឃុន បូរ៉ា ត្រូវជួបប្រកួតជាមួយអ្នកលេងកំភ្លើងភ្លោះ វ៉ាន់ វឿន។ ឃុន បូរ៉ា មុននឹងឡើងមកដល់វគ្គនេះគេបានយកឈ្នះកីឡាករ ពុធ សំបូរ ដោយពិន្ទុ។ កីឡាករវ៉ាន់ វឿន វិញ គេបានផ្តួលកីឡាករ រិន ដេវីត ឱ្យបោះបង់ការប្រកួតក្នុងទឹកទី១។ ប្រកួតចុងក្រោយរវាងអ្នកទាំងពីរ ឃុន បូរ៉ា ឈ្នះវ៉ាន់ វឿន ដោយពិន្ទុ។

 

កីឡាករដែលបន្តឡើងទៅវគ្គផ្តាច់ព្រ័ត្រដើម្បីដណ្តើមខ្សែក្រវាត់សម្តេច ទៀបាញ់ នឹងត្រូវជួបគ្នានៅថ្ងៃទី១២ ខែវិច្ឆិកា នៅក្រោយជំនួបដណ្តើមចំណាត់ថ្នាក់លេខ៣៕