ជាតិ
សង្គមជាតិ
ក្រុមហ៊ុន Google អបអរទិវាបុណ្យឯករាជ្យជាតិកម្ពុជាលើកទី៦៩
×
ក្រុមហ៊ុនយក្ស Google ចូលរួមអបអរខួបលើកទី៦៩នៃទិវាបុណ្យឯករាជ្យកម្ពុជា ឆ្នាំ២០២២។
ថ្ងៃនេះ ជាខួបលើកទី៦៩ឆ្នាំ ដែលកម្ពុជាទទួលបានឯករាជ្យជាតិ ពីបារាំង (៩ វិច្ឆិកា ១៩៥៣ -៩ ខែវិច្ឆិកា ឆ្នាំ២០២២)។ ព្រះកុរណាព្រះបាទ សម្ដេចព្រះនរោត្តម សីហមុនី ព្រះមហាក្សត្រ យាងប្រារព្ធពិធីអបអរបុណ្យឯករាជ្យជាតិ ដោយមានការចូលរួមពីថ្នាក់ដឹកនាំជាតិ និងអន្តរជាតិ រួមទាំងពលរដ្ឋ នាវិមានសន្តិភាព នៅព្រឹកថ្ងៃទី៩ វិច្ឆិកានេះ។
ជាមួយនឹងការអបអរឯករាជ្យដែលកម្ពុជាទទួលបានកាលពីថ្ងៃទី ៩ ខែវិច្ឆិកា ឆ្នាំ១៩៥៣ ក្រុមហ៊ុន Google បានយកទង់ជាតិកម្ពុជាដែលកំពុងបក់រវិចៗ ដាក់ពីលើផ្ទាំងអក្សរ Google របស់ខ្លួន ព្រមទាំងភ្ជាប់ផ្ទៃពពកពណ៌ក្រហមព្រាលៗនៅពីក្រោយផង។
ពេលចុចទៅលើផ្ទាំងនៃកម្មវិធី Google នោះ យើងនឹងឃើញព័ត៌មាននានាទាក់ទងនឹងបុណ្យឯករាជ្យជាតិកម្ពុជា (Cambodia Independence Day 2022)។
ទិវាបុណ្យឯករាជ្យជាតិលើកទី៦៩ និងខួបលើកទី៦៩ នៃការបង្កើតកងយោធពលខេមរភូមិន្ទ ត្រូវបានរៀបចំឡើងជារៀងរាល់ឆ្នាំ ដើម្បីរំលឹកដល់ព្រះរាជបេសកកម្មដើម្បីជាតិមាតុភូមិ និងប្រជារាស្ត្រខ្មែរ របស់សម្តេចព្រះវររាជបិតា សម្តេចព្រះនរោត្តម សីហនុ ព្រះបរមរតនកោដ្ឋ ក្នុងការទាមទារឯករាជ្យពីអាណាព្យាបាលបារាំង៕
© រក្សាសិទ្ធិដោយ thmeythmey.com