«ក្រុមប្រឹក្សាអឺរ៉ុបទទូចឱ្យគណៈកម្មការបង្ហាញឆាប់រហ័សអំពីសំណើសម្រាប់កម្មវិធីវិនិយោគ ការពារជាតិអឺរ៉ុប ដើម្បីពង្រឹងសមត្ថភាព ភាពធន់នៃបច្ចេកវិទ្យាការពារជាតិ និងវិស័យ ឧស្សាហកម្មអឺរ៉ុប រួមទាំងសហគ្រាសធន់តូច និងមធ្យម»។ សេចក្ដីព្រាងរបស់ EU សរសេរបែបនេះដែលត្រូវចេញផ្សាយនៅថ្ងៃទី៣០ ខែវិច្ឆិកា។ យ៉ាងណាមិញ ឯកសារ ខាងលើនេះអាចនឹងត្រូវកែប្រែមុនកិច្ចប្រជុំកំពូលឈានចូលមកដល់។

 

មេដឹកនាំ EU ក៏នឹងជំរុញឱ្យគណៈកម្មការប្រតិបត្តិរបស់ប្លុកនេះ និងទីភ្នាក់ងារការពារអឺរ៉ុបបង្កើន កិច្ចខិតខំដើម្បីកំណត់ចន្លោះប្រហោងផ្នែកយោធា និងសម្របសម្រួលលទ្ធកម្មការពារជាតិរួម គ្នាជាពិសេសដើម្បីបំពេញបន្ថែមស្តុកសម្ភាររបស់ពួកគេដែលត្រូវបានបាត់បង់ក្នុងការគាំទ្រ អ៊ុយក្រែនប្រឆាំងនឹងរុស្ស៊ី។

 

កន្លងមក សហភាពអឺរ៉ុបបានជំរុញឱ្យរដ្ឋសមាជិករួមគ្នាទិញសព្វាវុធជាជាងការបង្កើនតម្លៃ និងប្រកួតប្រជែងគ្នាទៅវិញទៅមក។ ប៉ុន្តែប្រទេសសមាជិក EU ស្ទាក់ស្ទើរក្នុងការជំរុញឱ្យមានកម្មវិធីវិនិយោគលើវិស័យការពារជាតិដូចខាងលើ។ 

 

ទោះបីជាយ៉ាងណាក៏ដោយ សង្គ្រាមនៅអ៊ុយក្រែនតម្រូវឱ្យបណ្ដាប្រទេសក្នុងប្លុកមួយនេះ ត្រួវផ្គត់ផ្គង់សព្វាវុធជាច្រើនទៅក្រុងកៀវ ខណៈស្របគ្នានោះក៏ត្រូវពង្រឹងការការពារខ្លួនផងដែរ។ ប្រធានគោលនយោបាយការបរទេសរបស់ EU លោក Josep Borrell បាននិយាយនៅខែនេះថា EU និងរដ្ឋជាសមាជិករបស់ខ្លួនបានផ្តល់សព្វាវុធ និងឧបករណ៍យោធាដែលមានតម្លៃយ៉ាងតិច ៨ពាន់លានអឺរ៉ូដល់អ៊ុយក្រែនរហូតមកដល់ពេលនេះ។

 

បន្ថែមពីនេះ សេចក្ដីព្រាងខាងលើបញ្ជាក់ថា នៅក្នុងកិច្ចប្រជុំកំពូលនៅទីក្រុងព្រុចសែល សែល មេដឹកនាំ EU ក៏ស្នើឱ្យសមាជិករបស់ខ្លួនបង្កើនសមត្ថភាពផ្នែកហេដ្ឋារចនា សម្ព័ន្ធដែលជួយសម្រួលដល់ការចល័តយោធាយ៉ាងឆាប់រហ័សនៅទូទាំងទ្វីបអឺរ៉ុប៕