បច្ចុប្បន្ន​ ខេត្តសៀមរាបហាក់មានសន្ទុះឡើងវិញនូវកំណើនទេសចរអន្តរជាតិ រួមជាមួយនឹងការហោះហើរពីបរទេសចូលក្នុងខេត្តនេះមានចាប់ពី១៥-១៦ជើងក្នុងមួយថ្ងៃ។ លោក ង៉ូវ សេងកាក់ ដែលជាប្រធានមន្ទីរទេសចរណ៍ខេត្តសៀមរាប បានបញ្ជាក់ថា​ ភ្ញៀវទេសចរដែលធ្វើដំណើរតាមជើងហោះហើរនេះ គឺមានប្រមាណពី ១ ៣០០នាក់ទៅ១ ៤០០នាក់ក្នុងមួយថ្ងៃ។​

 

ដោយឡែក ចំពោះទេសចរធ្វើដំណើតាមផ្លូវគោកចូលមកខេត្តសៀមរាប គឺមានប្រមាណ៦០០-៧០០នាក់ក្នុងមួយថ្ងៃ ផងដែរ។

ក្រសួងទេសចរណ៍បានបញ្ជាក់ថា គិតចាប់ពីខែមករា ដល់ តុលា ឆ្នាំ២០២២ ខេត្តសៀមរាបទទួលបានអ្នកទេសចរជិត១,៨លាននាក់ ដែលកើនដល់៨៨៦,៣៣ភាគរយ ធៀបរយៈពេលដូចគ្នាក្នុងឆ្នាំ២០២១។ ក្នុងនោះភ្ញៀវទេសចរជាតិ មានចំនួន១ ៦២៣ ២០០នាក់ និងទេសចរអន្តរជាតិមានចំនួន១៦៩ ៣៤៩នាក់៕