ជាតិ
សេដ្ឋកិច្ច
ខេត្តសៀមរាបទទួលបានទេសចរអន្តរជាតិតាមផ្លូវអាកាស ជាង ១០០០នាក់ ក្នុងមួយថ្ងៃ
× ខេត្តសៀមរាបចាប់ផ្ដើមមានកំណើនភ្ញៀវទេសចរអន្តរជាតិច្រើនឡើងវិញ ដែលមានអ្នកធ្វើដំណើរតាមផ្លូវអាកាសជាង ១ ០០០នាក់ក្នុងមួយថ្ងៃ មកកាន់ទឹកដីអង្គរនេះ។ នេះបើយោងតាមក្រសួងទេសចរណ៍។
បច្ចុប្បន្ន ខេត្តសៀមរាបហាក់មានសន្ទុះឡើងវិញនូវកំណើនទេសចរអន្តរជាតិ រួមជាមួយនឹងការហោះហើរពីបរទេសចូលក្នុងខេត្តនេះមានចាប់ពី១៥-១៦ជើងក្នុងមួយថ្ងៃ។ លោក ង៉ូវ សេងកាក់ ដែលជាប្រធានមន្ទីរទេសចរណ៍ខេត្តសៀមរាប បានបញ្ជាក់ថា ភ្ញៀវទេសចរដែលធ្វើដំណើរតាមជើងហោះហើរនេះ គឺមានប្រមាណពី ១ ៣០០នាក់ទៅ១ ៤០០នាក់ក្នុងមួយថ្ងៃ។
ដោយឡែក ចំពោះទេសចរធ្វើដំណើតាមផ្លូវគោកចូលមកខេត្តសៀមរាប គឺមានប្រមាណ៦០០-៧០០នាក់ក្នុងមួយថ្ងៃ ផងដែរ។
រូបភាពដោយក្រសួងទេសចរណ៍
ក្រសួងទេសចរណ៍បានបញ្ជាក់ថា គិតចាប់ពីខែមករា ដល់ តុលា ឆ្នាំ២០២២ ខេត្តសៀមរាបទទួលបានអ្នកទេសចរជិត១,៨លាននាក់ ដែលកើនដល់៨៨៦,៣៣ភាគរយ ធៀបរយៈពេលដូចគ្នាក្នុងឆ្នាំ២០២១។ ក្នុងនោះភ្ញៀវទេសចរជាតិ មានចំនួន១ ៦២៣ ២០០នាក់ និងទេសចរអន្តរជាតិមានចំនួន១៦៩ ៣៤៩នាក់៕
© រក្សាសិទ្ធិដោយ thmeythmey.com